ရွှေဖီမြေ၊ ဧပြီ ၁၆ ရက်၊ ကလေး
စစ်ကိုင်းတိုင်း ကလေးမြို့နယ်နဲ့ မကွေးတိုင်း ဂန့်ဂေါမြို့နယ်ကြားရှိ စစ်ကောင်စီတပ်စခန်း ၄ ခုကို ၂ လအတွင်း သိမ်းပိုက်နိုင်ခဲ့ကြောင်း CDF-KKG က ထုတ်ပြန်လာပါတယ်။
CDF-KKG Major Operation ကို ၂ဝ၂၅ ဖေဖော်ဝါရီလအတွင်း ဖော်ဆောင်ခဲ့ရာ စစ်ကောင်စီရဲ့ ကမ်းပါးနီ၊ မှန်တော၊ အောင်သာယာ (အရှေ့၊ အနောက်)စခန်းနဲ့ ပျူစောထီး စိုးမိုးတဲ့ ကြံသာရွာကို ၂ လအတွင်း တိုက်ခိုက်သိမ်းပိုက်နိုင်ခဲ့ကြောင်း CDF-KKG က မနေ့ ဧပြီ ၁၅ ရက် ည ၇ နာရီကျော်မှာ ထုတ်ပြန်လာပါတယ်။
သိမ်းဆည်းရမိတဲ့ လက်နက်ခဲယမ်းမှတ်တမ်းပုံကို ကျောင်းသားတပ်မတော်- ABSDF ရဲ့ စစ်ကြောင်း ၃ ကလည်း ပြန်လည် ထုတ်ပြန်လာပြီး စစ်ဆင်ရေးကို ချင်းတပ်မတော်- CNA က ကွပ်ကဲခဲ့တာလို့ ဆိုပါတယ်။
၂ လခန့်ကြာ စစ်ဆင်ရေးအတွင်း ABSDF ရဲ့ ရဲဘော် ၂ ဦး ကျဆုံးခဲ့ပြီး ၆ ဦး ဒဏ်ရာ ရကာ လေကြောင်း တိုက်ခိုက်မှုကြောင့် အရပ်သား ၁၅ ဦးထက်မနည်း သေဆုံးခဲ့ပြီးတော့ ၄ဝ ကျော် ဒဏ်ရာ ရခဲ့ကြောင်း ဖော်ပြထားပါတယ်။
