မိုင်းရူပ၊ သြဂုတ် ၂၇ ရက်၊ ကျောက်မဲ
စစ်ကောင်စီတပ်ရဲ့ ထိုးစစ်ဆင်တိုက်ခိုက်မှုကြောင့် ကျောက်မဲမြို့နယ် နောင်ပိန်ရွာမှာတိုက်ပွဲဆက်ပြင်းထန်နေပြီး စစ်ကောင်စီဘက်က လေကြောင်းနဲ့ ဗုံးဆက်တိုက်ကြဲနေတယ်လို့ သိရပါတယ်။
တိုက်ပွဲဟာ နောင်ပိန်ကျေးရွာလမ်းခွဲနဲ့ နောင်ပိန်ကျေးရွာအထွက်မှာ စစ်ကောင်စီတပ်က တအာင်းတပ်မတော်- TNLA တည်ရှိရာကို ထိုးစစ်ဆင်တိုက်ခိုက်နေပြီး TNLA ဘက်က ဆက်လက်ခုခံနေဆဲ ဖြစ်ပြီး ဒီနေ့ နေ့လည် ၄ နာရီခွဲမှာ စစ်ကောင်စီဘက်က Y- 12 လေယာဥ်နဲ့ ဗုံးဆက်တိုက်ကြဲနေပါတယ်။
ဒါ့အပြင် စစ်ကောင်စီဘက်က အသေခံဒရုန်းတွေနဲ့လည်း ဆက်တိုက်ဗုံးကြဲနေတာ ဖြစ်ပါတယ်။
ဒီနေ့ သြဂုတ် ၂၇ ရက်အထိ နောင်ပိန်ကျေးရွာရဲ့ နေရာအများစုကို စစ်ကောင်စီတပ်က ထိန်းချုပ်ထားပြီး တအာင်းတပ်ဘက်က နေရာတချို့ကိုသာ ထိန်းချုပ်ထားပြီး ကားလမ်းမကို ထိန်းချုပ်ဖို့ စစ်ကောင်စီက ကြိုးပမ်းနေတာ ဖြစ်ပါတယ်။
ဒါ့အပြင် တိုက်ပွဲကြောင့် နောင်ပိန်ကျေးရွာခံအပါအဝင် အနီးအနားက ကျေးရွာ ၁၀ ရွာထက်မနည်းက ဒေသခံသောင်းနဲ့ ချီထွက်ပြေးတိမ်းရှောင်နေရပါတယ်။
သြဂုတ် ၁၉ ရက်ကစပြီး အင်အားရာချီရှိတဲ့ စစ်ကောင်စီစစ်ကြောင်းဟာ နောင်ချိုဘက်နေ ဂုတ်ထိပ်ချောင်းကိုဖြတ်ပြီး SSPP ထိန်းချုပ်ထားတဲ့ နောင်ပိန်ရွာအနီး ထန်းတပင်ရွာကနေ နောင်ပိန်ကျေးရွာဘက်ကို ထိုးစစ်ဆင်လာတာ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
