သူတော်စိန်၊ မေလ ၂၂ ရက်၊ မူဆယ်
ရှမ်းမြောက် တရုတ်မြန်မာနယ်စပ် မူဆယ်မြို့ ဆင်ဖြူရဲကင်းမှာ ဝာာဝန်ထမ်းဆောင်နေတဲ့ ရဲတပ်သားတစ်ဦးက ၎င်းစီးနင်းလာတဲ့ ဘက်ထရီဆိုင်ကယ် (၁) စီး၊ ဖုန်း (၂) လုံးနဲ့ ပိုက်ဆံအိတ်တွေ လုယက်သွားခံရကြောင်း စုံစမ်းသိရှိရပါတယ်။
ပြီးခဲ့တဲ့ မေလ ၁၉ ရက် နေ့လည် ၂ နာရီဝန်းကျင်မှာ ရဲတပ်သား ဝင်းကိုဆိုသူ ဆင်ဖြူဂိတ်ကနေမှာ ရဲခစခန်းပြန်လာချိန် ရွှေသမင်ကုန်းအတက်မှာ အသက်(၂၀)အရွယ် လူငယ်တစ်ဦးရဲ့ လုယက်ခံခဲ့ရတာကို ခံခဲ့ရတာဖြစ်ပါတယ်။
“သူတို့အချင်းချင်း စကားပြောနေတာလို့ သမီးတို့က ထင်နေကြတာ။ ဖုန်းပေးလိုက်တာလည်း တွေ့တယ်။ နောက်ပြီး ရဲယူနီဖောင်းနဲ့ဆိုတော့ အလုခံရတယ်လို့ မထင်ဘူးလေ။ လုတဲ့ကောင်လေးက ဆိုင်ကယ်စီးပြီး မောင်းပြေးသွားမှ အဲရဲကြီးက ကယ်ကြပါဦး။ လုပ်ကြပါဦးလို့ အော်မှ လုယက်ခံရမှန်းသိရတာ။ အမှန်ပြောရင်တော့ မသနားဘူး။ ရယ်ချင်တာ။ သူတို့ဖြစ်မှ နာရမှန်းသိတဲ့ လူတွေလေ”ဆိုပြီး အနီးနားရှိ အလှပြင်ဆိုင်မှ မိန်းကလေးငယ်တစ်ဦးက ရွှေဖီမြေကို ပြောပါတယ်။
မေလ (၁၈) ရက်နေ့တုန်းကလည်း ဟိုနားရပ်ကွက် မင်းထိပ်ခေါင်လက်ဖက်ရည်ဆိုင် နောက်ကျောမှာ နေထိုင်တဲ့ မိန်းကလေးတစ်ဦးလည်း ဈေးသို့ပြန်လာချိန် ပြန်ပေးဆွဲခံရပြီး သိန်း(၁)ထောင်နဲ့ ပြန်ရွေးခဲ့ရကြောင်း သိရပါတယ်။
ပြန်ပေးဆွဲခဲ့တဲ့အဖွဲ့ဟာ ပြည်သူ့စစ်ယူနီဖောင်းတွေကို ဝတ်ဆင်ထားပေမဲ့ ဘယ်အဖွဲ့ကဆိုတာ မသိရသေးပဲ ရဲတပ်ဖွဲ့ဝင်တွေက စစ်ဆေးမေးမြန်းသော်လည်း ကာယကံရှင်က မိသားစုလုံခြုံရေးအတွက် မပြောပြခဲ့တာဖြစ်တယ်လို့ သိရပါတယ်။
မူဆယ်မြို့မှာ နေ့စဥ်လိုပဲ အလားတူ လုယက်မှုတွေ ဖြစ်ပွားနေသော်လည်း တရားခံတွေကို ဖမ်းဆီးနိုင်ခြင်း မရှိခဲ့ပါဘူး။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
