မိုင်းအရှိုင်း၊ ဇူလိုင် ၁၁ ရက်၊ ကျောက်မဲ
တအာင်းတပ် – PSLF/TNLA ထိန်းချုပ်ထားတဲ့ ကျောက်မဲမြို့ကို ဒီနေ့ ဇူလိုင် ၁၁ ရက် မနက် ၃ နာရီဝန်းကျင်မှာ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့ပြီး နောင်ချိုကနေ စစ်ရှောင်လာတဲ့ အမျိုးသား ၁ ဦး သေဆုံးခဲ့ပြီး ၅ ဦးထိမှန်ဒဏ်ရာရခဲ့တယ်လို့ သိရပါတယ်။
သေဆုံးသွားတဲ့အမျိုးသားဟာ နောင်ချိုကနေ ကျောက်မဲမြို့ပြင်ရှိ ကောလိဟော်တယ်မှာ လာရောက်ခိုလှုံတဲ့လူဖြစ်တယ်လို့ ဒေသခံတစ်ဦးက ရွှေဖီမြေက်ုပြောပါတယ်။
“ကောလိဟိုတယ်မှာ သေသွားတဲ့တစ်ယောက်က နောင်ချိုဒေသခံ။ နောင်ချိုက ရွာတစ်ရွာရဲ့ ဥက္ကဌတဲ့”
ဗုံးကြဲတိုက်ခိုက်မှုဟာ ကျောက်မဲမြို့မရဲစခန်း၊ ခရိုင်ရဲရုံး၊ မြို့ပြင်ရှိ ကောလိဟော်တယ် စတဲ့နေရာတွေမှာ ကျရောက်ပေါက်ကွဲခဲ့တာ ဖြစ်တယ်လို့ ဆိုပါတယ်။
အဲဒီတိုက်ခိုက်မှုကြောင့် နေအိမ် ၄ လုံးလည်း ထိမှန်ပျက်စီးသွားတယ်လို့ TNLAက ထုတ်ပြန်ပါတယ်။
TNLA ထိန်းချုပ်ထားတဲ့ ကျောက်မဲနဲ့ မိုးကုတ်မြို့ကို တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က လေကြောင်းကနေ ၁၀ ကြိမ်ထက်မနည်းဗုံးကြဲချတိုက်ခိုက်ခဲ့တာကြောင့် ကလေးနဲ့အမျိုးသမီးအပါအဝင် ဒေသခံ ၁၅ ဦးသေဆုံးခဲ့ပြီး ၅၀ဦးခန့် ထိမှန် ဒဏ်ရာရရှိခဲ့ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
