Browsing Category

လူ့အခွင့်အရေး

201 posts

ဒီပဲယင်းက ဘုတ္ထန်းရွာ လေကြောင်းတိုက်ခိုက်ခံရလို့ အမျိုးသား ၁ ဦး သေဆုံးပြီး နေအိမ် အလုံး ၃၀ နီးပါး ပျက်စီး

စစ်ကိုင်းတိုင်း ဒီပဲယင်းမြို့နယ်က ဘုတ္ထန်းရွာဟာ လေကြောင်းကနေ ဗုံးကြဲတိုက်ခိုက်ခံရတာကြောင့် အမျိုးသား ၁ ဦး သေဆုံးပြီး နေအိမ် အလုံး ၃၀ နီးပါး ပျက်စီးတယ်လို့ ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ထားပါတယ်။

ကျောက်မဲမှာလည်း စစ်ကောင်စီတပ်က စစ်မှုထမ်းဖို့ စတင်ခေါ်ယူနေပြီလို့ ဒေသခံတွေ ပြော

စစ်ကောင်စီတပ် ပြန်လည်ထိန်းချုပ်နိုင်ခဲ့တဲ့ ရှမ်းမြောက် ကျောက်မဲမြို့မှာ စစ်မှုထမ်းဖို့အတွက် စစ်ကောင်စီတပ်က စတင်ခေါ်ယူနေပြီလို့ ကျောက်မဲမြို့ခံတွေက ရွှေဖီမြေကို ပြောပါတယ်။

လားရှိုးမှာ ရှော့တိုက်ဒုံးနဲ့ ပစ်ခတ်တိုက်ခိုက်ခံရပြီးနောက် စစ်ကောင်စီတပ်က စစ်ဆေးမှုတွေ တင်းကြပ်လာ

စစ်ကောင်စီတပ် ပြန်ထိန်းချုပ်ထားတဲ့ ရှမ်းမြောက် လားရှိုးမြို့မှာ ရှော့တိုက်ဒုံးနဲ့ ပစ်ခတ်တိုက်ခိုက်ခံရပြီးနောက် စစ်ကောင်စီတပ်က စစ်ဆေးမှုတွေ တင်းကြပ်လာတယ်လို့ လားရှိုးမြိုခံတွေနဲ့ ခရီးသွားတွေက ရွှေဖီမြေကို ပြောပါတယ်။

မောက်မယ်မြို့နယ်ထဲက ကျေးရွာတွေကို PNO အဖွဲ့က အသေခံဒရုန်းနဲ့ လက်နက်ကြီး ပစ်ခတ်တိုက်ခိုက်တာကြောင့် နေအိမ် ၂၀ ကျော် ပျက်စီး

ရှမ်းတောင် မောက်မယ်မြို့နယ်ထဲက ကျေးရွာ ၃ ရွာထဲကို တိုက်ပွဲဖြစ်ပွားခြင်းမရှိဘဲ စစ်ကောင်စီရဲ့ လက်အောက်ခံတပ်တဲ့ ပအိုဝ်းပြည်သူ့စစ် PNO အဖွဲ့က လက်နက်ကြီးနဲ့ အသေခံဒရုန်း ပစ်ခတ်တိုက်ခိုက်ခဲ့တာကြောင့် ဒေသခံတွေရဲ့ နေအိမ်အလုံး ၂၀ ကျော် ပျက်စီးသွားခဲ့တယ်လို့ ပအိုဝ်းအမျိုးသား လွတ်မြောက်ရေးတပ်မတော် PNLA ရဲ့ ပြောရေးဆိုခွင့်ရှိသူ ခွန်ရိန်းယံက ရွှေဖီမြေကို ပြောပါတယ်။

မိုင်းတစ်လုံး ခုတ်မိရာကနေ ပေါက်ကွဲပြီး ၁၀၅ မိုင်က အမျိုးသားတစ်ဦးနဲ့ အမျိုးသမီးတစ်ဦး ဒဏ်ရာရ

ညီနောင်မဟာမိတ် ၃ ဖွဲ့ ပူးပေါင်းထိန်းချုပ်ထားတဲ့ ရှမ်းမြောက် မူဆယ်မြို့နယ် ၁၀၅ မိုင်မှာ မိုင်းကို ဓားနဲ့ ခုတ်မိရာကနေ ပေါက်ကွဲလို့ အမျိုးသားတစ်ဦးနဲ့ အမျိုးသမီးတစ်ဦး ထိခိုက်ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ပြောပါတယ်။

မြောင်မြို့နယ်က ဇရပ်ကုန်းကျေး‌ရွာကို လေကြောင်းကနေ ဗုံး ၂ ကြိမ် ကြဲချတိုက်ခိုက်လို့ အရပ်သား ၂ ဦး ဒဏ်ရာရ

စစ်ကိုင်းတိုင်း မြောင်မြို့နယ် ဇရပ်ကုန်းကျေး‌ရွာကို စစ်ကောင်စီတပ်က လေကြောင်းကနေ ဗုံး ၂ ကြိမ် ကြဲချတိုက်ခိုက်ခဲ့လို့ အရပ်သား ၂ ဦး ထိမှန်ဒဏ်ရာရခဲ့တယ်လို့ မြောင်မြို့နယ် ပြည်သူ့ကာကွယ်ရေးတပ် TGR မှ တာဝန်ရှိသူတစ်ဦးက ရွှေဖီမြေကို ပြောပါတယ်။

တိုက်ပွဲဖြစ်ပွားနေတဲ့ ဖားကန့်မြို့မှာ လင်မယား ၂ ဦးက မိုင်းနင်းမိပြီး အမျိုးသားဖြစ်သူ သေဆုံး

တိုက်ပွဲတွေ ဖြစ်ပွားလျက်ရှိနေတဲ့ ကချင်ပြည်နယ် ဖားကန့်မြို့မှာ လင်မယား ၂ ဦးက မိုင်းနင်းမိရာကနေ အမျိုးသားဖြစ်သူ ပွဲချင်းပြီး သေဆုံးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

လောက်ကိုင်ဘက် ခရီးသည် သွားပို့ရင်း ခရီးသည်နှစ်ဦးရဲ့ သတ်ဖြတ်တာ ခံခဲ့ရတဲ့ ယာဉ်မောင်းအတွက် အမှုမှန်ပေါ်ဖို့ မိသားစုဝင်တွေ တောင်းဆို

“ဝ”တပ်မတော် UWSA ထိန်းချုပ်ထားတဲ့ ပန်ဆန်းမြို့ကနေ ကိုးကန့်တပ် ထိန်းချုပ်တဲ့ လောက်ကိုင်မြို့ဘက် ခရီးသည် သွားပို့ရင်း ခရီးသည်နှစ်ဦးရဲ့ ဓားပြတိုက် သတ်ဖြတ်တာ ခံခဲ့ရတဲ့ အသက် ၂၅ နှစ်အရွယ် မောင်အိုက်ရီအတွက် အမှုမှန်ပေါ်ဖို့ မျှော်လင့်နေတယ်လို့ မိသားစုဝင်ဖြစ်သူတစ်ဦးက ရွှေဖီမြေကို ပြောပါတယ်။

ကမ္မမြို့ပေါ်ကို စစ်ကောင်စီတပ်က လက်နက်ကြီး ပစ်ခတ်လို့ အမျိုးသမီးတစ်ဦး သေဆုံးပြီး တစ်ဦး ဒဏ်ရာရ

မကွေးတိုင်း ပခုက္ကူခရိုင် ကမ္မမြို့ပေါ်ကို စစ်ကောင်စီတပ်က လက်နက်ကြီးပစ်ခတ်လို့ ဒေသခံအမျိုးသမီးတစ်ဦး သေဆုံးခဲ့ပြီး တစ်ဦး ထိခိုက်ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ပြောပါတယ်။

ကျောက်မဲအဝင်မှာ တရုတ်ထုတ်ကုန် တင်လာတဲ့ ကုန်ကားတွေကို စစ်ကောင်စီတပ် ဖမ်းဆီးနေ

ရှမ်းမြောက် ကျောက်မဲမြို့အဝင်မှာ ညီနောင်မဟာမိတ် (၃) ဖွဲ့ ထိန်းချုပ်ထားတဲ့ တရုတ်-မြန်မာ နယ်စပ်ဂိတ်ကနေ တရုတ်ထုတ်ကုန် တင်ဆောင်လာတဲ့ ကုန်ကားတွေကို စစ်ကောင်စီတပ်က ဖမ်းဆီးနေတယ်လို့ ရွှေဖီမြေက စုံစမ်းသိရှိရပါတယ်။