Lway Htwe

520 posts

မောက်မယ်မြို့နယ်ထဲက ကျေးရွာတွေကို PNO အဖွဲ့က အသေခံဒရုန်းနဲ့ လက်နက်ကြီး ပစ်ခတ်တိုက်ခိုက်တာကြောင့် နေအိမ် ၂၀ ကျော် ပျက်စီး

ရှမ်းတောင် မောက်မယ်မြို့နယ်ထဲက ကျေးရွာ ၃ ရွာထဲကို တိုက်ပွဲဖြစ်ပွားခြင်းမရှိဘဲ စစ်ကောင်စီရဲ့ လက်အောက်ခံတပ်တဲ့ ပအိုဝ်းပြည်သူ့စစ် PNO အဖွဲ့က လက်နက်ကြီးနဲ့ အသေခံဒရုန်း ပစ်ခတ်တိုက်ခိုက်ခဲ့တာကြောင့် ဒေသခံတွေရဲ့ နေအိမ်အလုံး ၂၀ ကျော် ပျက်စီးသွားခဲ့တယ်လို့ ပအိုဝ်းအမျိုးသား လွတ်မြောက်ရေးတပ်မတော် PNLA ရဲ့ ပြောရေးဆိုခွင့်ရှိသူ ခွန်ရိန်းယံက ရွှေဖီမြေကို ပြောပါတယ်။

မိုင်းတစ်လုံး ခုတ်မိရာကနေ ပေါက်ကွဲပြီး ၁၀၅ မိုင်က အမျိုးသားတစ်ဦးနဲ့ အမျိုးသမီးတစ်ဦး ဒဏ်ရာရ

ညီနောင်မဟာမိတ် ၃ ဖွဲ့ ပူးပေါင်းထိန်းချုပ်ထားတဲ့ ရှမ်းမြောက် မူဆယ်မြို့နယ် ၁၀၅ မိုင်မှာ မိုင်းကို ဓားနဲ့ ခုတ်မိရာကနေ ပေါက်ကွဲလို့ အမျိုးသားတစ်ဦးနဲ့ အမျိုးသမီးတစ်ဦး ထိခိုက်ဒဏ်ရာရရှိခဲ့တယ်လို့ ဒေသခံအမျိုးသားတစ်ဦးက ပြောပါတယ်။

မော်လမြိုင်နဲ့ ရန်ကုန် ပြည်ထောင်စုလမ်းမပေါ် ၁၃ မျဉ်းစောင်း မှတ်ပုံတင်ကိုင်ဆောင်တဲ့ ခရီးသွားတွေက ရဲစခန်းနဲ့ မှတ်ပုံတင် ထောက်ခံစာပါရင် သွားလာနိုင်ကြောင်း ယာဉ်လိုင်းတွေ ပြော

မွန်ပြည်နယ် မော်လမြိုင်‌ – ရန်ကုန် ပြည်ထောင်စုလမ်းမပေါ် ခရီးသွားတဲ့ လူထုတွေထဲမှာမှ ၁၃ မျဉ်းစောင်း မှတ်ပုံတင် ကိုင်ဆောင်တဲ့ လူထု‌တွေလည်း ရဲစခန်းနဲ့ ရပ်ကွက်ထောက်ခံစာပါရင် လွတ်လပ်စွာ သွားလာလို့ရကြောင်း ယာဉ်လိုင်းတွေက ပြောဆိုထားတယ်လို့ ခရီးသည်တစ်ဦးရဲ့ ပြောပြချက်အရ သိရပါတယ်။

မြောင်မြို့နယ်က ဇရပ်ကုန်းကျေး‌ရွာကို လေကြောင်းကနေ ဗုံး ၂ ကြိမ် ကြဲချတိုက်ခိုက်လို့ အရပ်သား ၂ ဦး ဒဏ်ရာရ

စစ်ကိုင်းတိုင်း မြောင်မြို့နယ် ဇရပ်ကုန်းကျေး‌ရွာကို စစ်ကောင်စီတပ်က လေကြောင်းကနေ ဗုံး ၂ ကြိမ် ကြဲချတိုက်ခိုက်ခဲ့လို့ အရပ်သား ၂ ဦး ထိမှန်ဒဏ်ရာရခဲ့တယ်လို့ မြောင်မြို့နယ် ပြည်သူ့ကာကွယ်ရေးတပ် TGR မှ တာဝန်ရှိသူတစ်ဦးက ရွှေဖီမြေကို ပြောပါတယ်။

တိုက်ပွဲဖြစ်ပွားနေတဲ့ ဖားကန့်မြို့မှာ လင်မယား ၂ ဦးက မိုင်းနင်းမိပြီး အမျိုးသားဖြစ်သူ သေဆုံး

တိုက်ပွဲတွေ ဖြစ်ပွားလျက်ရှိနေတဲ့ ကချင်ပြည်နယ် ဖားကန့်မြို့မှာ လင်မယား ၂ ဦးက မိုင်းနင်းမိရာကနေ အမျိုးသားဖြစ်သူ ပွဲချင်းပြီး သေဆုံးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

ကန့်ဘလူနယ်က စစ်ကောင်စီရဲ့ စခန်း ၄ ခုကို တော်လှန်ရေးတပ်တွေ သိမ်းပိုက်ခဲ့ရာ စစ်ကောင်စီဘက်က ၉၀ ကျော် သေဆုံးတယ်လို့ ဆို

စစ်ကိုင်းတိုင်း ကန့်ဘလူမြို့နယ်ထဲက စစ်ကောင်စီရဲ့ စစ်စခန်း ၄ ခုကို တော်လှန်ရေးတပ်ဖွဲ့တွေ သိမ်းပိုက်နိုင်ခဲ့ပြီး စစ်ကောင်စီဘက်က ၉၀ ကျော်သေဆုံးခဲ့တယ်လို့ အမှတ် (၁) စစ်ဒေသက ဒီနေ့ ဖေဖော်ဝါရီ ၁၁ ရက်မှာ ထုတ်ပြန်ထားပါတယ်။

တရုတ်ပြည်မှာ အလုပ်ရမယ်ဆိုပြီး ပွဲစားကနေတစ်ဆင့် အလုပ် သွားလုပ်တဲ့ ကွတ်ခိုင်က အမျိုးသား ၆ ဦး အဆက်အသွယ်မရဘဲ ပျောက်ဆုံးနေ

တရုတ်နိုင်ငံမှာ အလုပ်ရမယ်ဆိုပြီး ပွဲစားကနေတစ်ဆင့် အလုပ် သွားလုပ်တဲ့ ရှမ်းမြောက် ကွတ်ခိုင်မြို့နယ်က အမျိုးသား ၆ ဦးနဲ့ အဆက်အသွယ်မရဘဲ ပျောက်ဆုံးနေတယ်လို့ ၎င်းတို့ရဲ့ မိသားစုဝင်တွေနဲ့ နီးစပ်သူတွေက ရွှေဖီမြေကို ပြောပါတယ်။

တအာင်းပြည် ကျန်းမာရေးကောင်စီက ပထမဆုံး လက်ဖက်မြေ ဆေးကျောင်း ဖွင့်လှစ်မယ်

တအာင်းပြည် ကျန်းမာရေးကောင်စီ – THC က ပထမဆုံး လက်ဖက်မြေ ဆေးကျောင်း – Tealand Medical School ဖွင့်လှစ်မှာဖြစ်ပြီး လျှောက်လွှာတွေကိုလည်း စတင်လက်ခံနေပြီလို့ ၎င်းတို့ ထုတ်ပြန်ချက်အရ သိရပါတယ်။

လောက်ကိုင်ဘက် ခရီးသည် သွားပို့ရင်း ခရီးသည်နှစ်ဦးရဲ့ သတ်ဖြတ်တာ ခံခဲ့ရတဲ့ ယာဉ်မောင်းအတွက် အမှုမှန်ပေါ်ဖို့ မိသားစုဝင်တွေ တောင်းဆို

“ဝ”တပ်မတော် UWSA ထိန်းချုပ်ထားတဲ့ ပန်ဆန်းမြို့ကနေ ကိုးကန့်တပ် ထိန်းချုပ်တဲ့ လောက်ကိုင်မြို့ဘက် ခရီးသည် သွားပို့ရင်း ခရီးသည်နှစ်ဦးရဲ့ ဓားပြတိုက် သတ်ဖြတ်တာ ခံခဲ့ရတဲ့ အသက် ၂၅ နှစ်အရွယ် မောင်အိုက်ရီအတွက် အမှုမှန်ပေါ်ဖို့ မျှော်လင့်နေတယ်လို့ မိသားစုဝင်ဖြစ်သူတစ်ဦးက ရွှေဖီမြေကို ပြောပါတယ်။

လားရှိုးမှာ ရှော့တိုက်ဒုံး ပေါက်ကွဲတဲ့နေ့မှာပဲ MNDAA အထူးကိုယ်စားလှယ်အဖွဲ့က “ဝ” တပ်ဖွဲ့နဲ့ တွေ့ဆုံ

ရှမ်းမြောက် စစ်ကောင်စီတပ် ပြန်လည်ထိန်းချုပ်ထားတဲ့ ရှမ်းမြောက် လားရှိုးမြို့ထဲ ရှော့တိုက်ဒုံး ကျရောက်ပေါက်ကွဲတဲ့နေ့မှာပဲ ကိုးကန့်တပ် – MNDAA အထူးကိုယ်စားလှယ်အဖွဲ့က “ဝ” ပြည် ပန်ဆန်းမြို့မှာ “ဝ” တပ် – UWSA နဲ့ တွေ့ဆုံခဲ့တယ်လို့ “ဝ” လူငယ့်အသံ သတင်းဌာနရဲ့ ဖော်ပြချက်အရ သိရပါတယ်။