ရွှေဖီမြေ၊ မေလ ၉ ရက်၊ လဲချား
ရှမ်းတောင် လဲချားမြို့နယ်နဲ့ ကျိုင်းတောင်းမြို့အနီးမှာ ကျားဖြန့်လုပ်ကိုင်သူ ၃၆ ဦး ဖမ်းဆီးရမိခဲ့တယ်လို့ စစ်ကောင်စီက ထုတ်ပြန်လာပါတယ်။
လဲချားမြို့နယ် ဆီးဆောရွာမှာရှိတဲ့ ကျားဖြန်ရုံကို စစ်တပ်က မနေ့ မေလ ၈ ရက်မှာ ဝင်ရောက်စီးနင်းခဲ့ရာ ကျားဖြန်လုပ်ကိုင်သူ တရုတ်နိုင်ငံသား ၂၅ ဦးနဲ့ မြန်မာနိုင်ငံသား ၅ ဦး ဖမ်းဆီးရမိခဲ့တာပဲ ဖြစ်ပါတယ်။
အလားတူ မနေ့ မေလ ၈ ရက်မှာလည်း မိုင်းပန်မြို့နယ် ကျိုင်းတောင်းမြို့အနီးမှာရှိတဲ့ ကျားဖြန်ရုံတစ်ခုကို စစ်တပ်က ဝင်ရောက်စီးနင်းခဲ့ရာ ကျားဖြန်လုပ်ကိုင်သူ တရုတ်နိုင်ငံသား ၆ ဦး ထပ်မံ ဖမ်းဆီးရမိခဲ့ပါတယ်။
ဒါ့အပြင် ကျားဖြန်လုပ်ကိုင်ရာမှာ အသုံးပြုနေတဲ့ အဆောက်အဦးအပါအဝင် စတားလင့်စက်နဲ့ ဆက်စပ်ပစ္စည်းတွေကိုလည်း သိမ်းဆည်းရမိခဲ့ပါတယ်။
ပြီးခဲ့တဲ့ မေလ ၄ ရက်ကလည်း မိုင်းပန်မြို့နယ် ကျိုင်းတောင်း-မိုင်းပန်ဘက်သွားတဲ့ ကားလမ်းအနီးမှာ စစ်ကောင်စီက ကျားဖြန့်လုပ်ကိုင်သူ တရုတ်နိုင်ငံသား ၅၂ ဦးကို ဖမ်းဆီးရမိခဲ့ပါတယ်။
လက်ရှိမှာတော့ ဖမ်းဆီးရမိခဲ့တဲ့ ကျားဖြန်လုပ်ကိုင်သူတွေကို ဥပဒေအရ အရေးယူသွားမှာ ဖြစ်တယ်လို့ စစ်ကောင်စီက ထုတ်ပြန်ချက်ထဲ ဖော်ပြထားပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
