Thabeikkyin

စစ်ကောင်စီတပ်ဟာ အပစ်ရပ်ကာလ တစ်လ ထပ်တိုးမယ်လို့ ကြေညာထားပေမဲ့ မန္တလေးတိုင်း သပိတ်ကျင်းမြို့နယ် ရေထွက်ကျေးရွာကို လေကြောင်းကနေ ထပ်မံ ဗုံးကြဲတိုက်ခိုက်ခဲ့တာကြောင့် ဒေသခံ ၁ ဦး သေဆုံးပြီး ၁၀ ဦး ဒဏ်ရာ ရခဲ့တယ်လို့ ဖြစ်စဉ်သိရှိသူ အမျိုးသားတစ်ဦးက ပြောပါတယ်။

မန္တလေးတိုင်း သပိတ်ကျင်းမြို့နယ်မှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် ထိခိုက်သေဆုံးသူတွေကို သပိတ်ကျင်းမြို့နယ် ပြည်သူ့ကာကွယ်ရေးတပ်ဖွဲ့က သိန်း(၂,၃၀၀)ကျော် ထောက်ပံ့ပေးခဲ့တယ်လို့ ပြည်သူ့ကာကွယ်ရေးတပ် သပိတ်ကျင်းမြို့နယ်က ဒီနေ့ ဧပြီ ၂၈ ရက်မှာ ထုတ်ပြန်လာပါတယ်။

မနေ့ ဧပြီ ၁၉ ရက် မန္တလေးတိုင်း သပိတ်ကျင်းမြို့နယ် ရေထွက်ရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ သေဆုံးသူ ၃၀ ထက်မနည်း ရှိလာပြီဖြစ်တယ်လို့ မြေပြင်မှာ ရှိနေသူ ဒေသခံတစ်ဦးက ရွှေဖီမြေကို ပြောပါတယ်။

မန္တလေးတိုင်း သပိတ်ကျင်းမြို့နယ်ရှိ ရေထွက်ကျေးရွာမှာ စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် ကလေးငယ်အပါအဝင် အရပ်သား ၁၃ ဦး သေဆုံးခဲ့တယ်လို့ ပြည်သူ့ကာကွယ်ရေးတပ်ဖွဲ့- သပိတ်ကျင်းမြို့နယ်က ထုတ်ပြန်ထားပါတယ်။

မနေ့ ဧပြီ ၁၈ ရက်က လိပ်ကျရွာကို လေကြောင်းကနေ ဗုံးကြဲလို့ လူအစုလိုက် အပြုံလိုက် သေဆုံးပြီးနောက် ဒီနေ့ ဧပြီ ၁၉ ရက်မှာလည်း လိပ်ကျရွာအနီး ရေထွက်ရွာ စျေးထဲကို လေကြောင်းကနေ ဗုံး ထပ်ကြဲလို့ ကလေးငယ်အပါအဝင် လူအစုလိုက် အပြုံလိုက် ထပ်မံ သေဆုံးခဲ့တယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။

ဒီနေ့ ဧပြီ ၁၈ ရက် မနက် ၁၁ နာရီခန့်မှာ မန္တလေးတိုင်း သပိတ်ကျင်းမြို့နယ် ကွင်းသုံးဆယ်လမ်းဆုံ လိပ်ကျရွာထဲ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်လို့ လူ ၁၀ ဦးထက်မနည်း အစုလိုက် အပြုံလိုက် သေဆုံးပြီး အများစု ဒဏ်ရာ ရခဲ့တယ်လို့ ရွှေဖီမြေက စုံစမ်းသိရှိရပါတယ်။

သင်္ကြန်အကြိုနေ့မှာ မန္တလေးတိုင်း သပိတ်ကျင်းမြို့နယ် ချောင်းကြီးရွာကို စစ်ကောင်စီတပ်က ဗုံးကြဲတိုက်ခိုက်ခဲ့ရာ အရပ်သား ၂ ဦး သေဆုံးပြီး ၈ ဦး ဒဏ်ရာ ရခဲ့တယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။

မန္တလေးတိုင်း သပိတ်ကျင်းမြို့နယ် ကြက်ရိုးပင်ကျေးရွာကို စစ်ကောင်စီတပ်က‌‌ လေကြောင်းက‌နေ တိုက်ခိုက်ခဲ့လို့ ဒေသခံ ၄ ဦး ထိခိုက်ဒဏ်ရာ ရခဲ့ကြောင်း ပြင်ဦးလွင်ခရိုင်ပကဖ သတင်းတာဝန်ခံရဲ့ ပြောပြချက်အရ သိရပါတယ်။

မန္တလေးတိုင်း သပိတ်ကျင်းမြို့နယ်က ၇ မိုင်ကျေးရွာမှာ တအာင်းတပ်မတော် TNLA၊ မိုးကုတ်ဗျူဟာ၊ မန္တလေး PDF ပူးပေါင်းအဖွဲ့နဲ့ စစ်ကောင်စီတပ်တို့အကြား တိုက်ပွဲဆက်လက်ပြင်းထန်နေတယ်လို့ ရှေ့တန်းစစ်မြေပြင်မှာ ရှိနေသူတွေက ပြောပါတယ်။

အပစ်ရပ်ဖို့ ကြေညာထားတဲ့ စစ်ကောင်စီတပ်ဟာ မန္တလေးတိုင်း သပိတ်ကျင်းမြို့နယ် ၇ မိုင်ရွာမှာ မြေပြင်ထိုးစစ် ဆက်လုပ်နေပြီး လေကြောင်း တိုက်ခိုက်မှု ဆက်လုပ်နေတယ်လို့ ရှေ့တန်း စစ်မြေပြင်မှာ ရှိနေသူတွေက ပြောပါတယ်။