ကချင်မှာ စစ်စခန်းတွေ ဆက်တိုက် လက်လွှတ်ဆုံးရှုံးရပြီးနောက် သဘာဝ သယံဇာတကို မျှတစွာ ခွဲဝေအသုံးချဖို့ မူဘောင် ချမှတ်ဖို့လိုကြောင်း စစ်ကောင်စီခေါင်းဆောင်ပြော
စစ်ကောင်စီခေါင်းဆောင် ဗိုလ်မှူးကြီး မင်းအောင်လှိုင်ဟာ KIA နဲ့ ပူးပေါင်းတပ်ဖွဲ့က ကချင်ပြည်နယ်ရှိ နေရာအများစုကို သိမ်းပိုက်ပြီးနောက် သဘာဝ သယံဇာတကို မျှတစွာ ခွဲဝေအသုံးချဖို့ မူဘောင် ချမှတ်ဖို့လိုကြောင်း မနေ့ ဇန်နဝါရီ ၁၀ ရက်မှာ ကျရောက်တဲ့ ၇၇ နှစ်မြောက် ကချင်ပြည်နယ်နေ့အတွက် ပေးပို့တဲ့ သဝဏ်လွှာမှာ ပြောဆိုထားပါတယ်။