Mandalay

မန္တလေးတိုင်း ကျောက်ဆည်မြို့အနောက်ဘက် ဗဟိုပြုလှုပ်ခတ်ခဲ့တဲ့ ပြင်းအား ၅.၂ အဆင့်ရှိတဲ့ ငလျင် ထပ်မံ လှုပ်ခတ်မှုကြောင့် မန္တလေးတိုင်းရှိ အဆောက်အဦးတချို့ ထပ်ပြိုခဲ့သလို ကလေးအပါအဝင် ၂ ဦး သေဆုံးခဲ့ကြောင်း ဒေသခံတစ်ဦးရဲ့ ပြောပြချက်အရ သိရပါတယ်။

ငလျင်ဒဏ်ကြောင့် သေဆုံးသူ ထောင်ချီ ရှိခဲ့သလို အဆောက်အဦး အများစု ပျက်စီးခဲ့တဲ့ မန္တလေးမြို့မှာ ပျက်စီးသွားတဲ့ နေအိမ်တွေ ဖြိုချဖို့ အခက်အခဲ ရှိနေတယ်လို့ မြို့ခံတွေက ရွှေဖီမြေကို ပြောပါတယ်။

မိုးရွာသွန်းမှုကြောင့် မန္တလေး အောင်မြေသာစံမြို့နယ်က ငလျင်ဒဏ်သင့် ၈ ထပ် အဆောက်အဦးတစ်ခု အောက်ဆုံးထပ် မြေကျွံကျမှု ဖြစ်ပွားခဲ့တယ်လို့ ဒေသခံတွေက ပြောပါတယ်။

အပစ်ရပ်ကြောင်း ကြေညာထားတဲ့ စစ်ကောင်စီတပ်က မန္တလေးတိုင်း သပိတ်ကျင်း၊ မတ္တရာ နှင့် စဉ့်ကူးမြို့နယ်တွေမှာ လေကြောင်းတိုက်ခိုက်မှုတွေလုပ်ဆောင်ခဲ့ပြီး အဲဒီတိုက်ခိုက်မှုတွေကြောင့် ဧပြီလ တစ်လအတွင်း အရပ်သားပြည်သူ ၄၀ ဦးထက်မနည်း သေဆုံးခဲ့ပါတယ်။

ပြီးခဲ့တဲ့ မတ်လ ၂၈ ရက်မှာ လူပေါင်းထောင်နဲ့ချီ သေဆုံးစေခဲ့တဲ့ ပြင်းအား ၇.၇ အဆင့်ရှိတဲ့ ငလျင် လှုပ်ခတ်မှုဟာ ဒီနေ့ ဧပြီ ၂၈ ရက်မှာ ၁ လ ပြည့်ခဲ့ပြီ ဖြစ်ပါတယ်။

ရာသီဥတု ပူပြင်းလာမှုကြောင့် ငလျင်ဒဏ် ခံစားနေရတဲ့ မန္တလေးဒေသခံတွေဟာ အခက်တွေ့နေတယ်လို့ ဒေသခံတွေက ပြောပါတယ်။

၂၀၂၅ ခုနှစ် တက္ကသိုလ်ဝင်တန်း စာမေးပွဲ အဖြေလွှာတွေ မီးလောင်ပျက်စီးခဲ့တာကြောင့် စာမေးပွဲ ပြန်လည် ဖြေဆိုရမယ့်ရက်ကို စစ်ကောင်စီက ဒီနေ့ ဧပြီ ၂၂ ရက်မှာ ထုတ်ပြန်ကြေညာလာပါတယ်။

စစ်ကောင်စီက ဧရာဝတီမြစ်ကူးတံတား ရတနာပုံကို ကုန်တင်ယာဉ်ကြီးနဲ့ ဆီသယ်ယာဉ်တွေ ဖြတ်သန်းခွင့် ပိတ်လိုက်တာကြောင့် တွဲသင်္ဘောနဲ့ မြစ်ဖြတ်ကူးနေရပြီး ကားတစ်စီးကို မြစ်ကူးခအဖြစ် ၁ သိန်းခွဲအထိ တောင်းယူနေတယ်လို့ ဒေသခံယာဉ်မောင်းတွေက ပြောပါတယ်။

မန္တလေးမြို့ပေါ်မှာ မိုးရွာသွန်းမှုကြောင့် ငလျင်ဒဏ်သင့် အဆောက်အဦး ၂ ခု ထပ်မံ ပြိုကျခဲ့တယ်လို့ ဒေသခံတွေက ပြောပါတယ်။

ငလျင်ဒဏ်ကို ပြင်းပြင်းထန်ထန်ခံနေရတဲ့ မတ္တရာမြို့နယ် အနောက်ခြမ်းကို စစ်ကောင်စီကလေကြောင်းကနေ ဗုံးကြဲတိုက်ခိုက်မှုပြုလုပ်ခဲ့တာကြောင့် အမျိုးသမီး ၁ ဦး အသက်ဆုံးရှုံးခဲ့ရတယ်လို့ ဒေသခံတွေကပြောပါတယ်။