မာည်းရူပ၊ ကျံရ်ဇူန် ဆငည်း 21
တံပ်ဆီုက် “ဝ” UWSA ပ္လိူရ်ႈလေႈ ခည်ကျံရ်ဇူန် ဆငည်း 16 ဒိူန်ဒါႈ ကဲဒဲႈတာမ်ယံမ်း စီပျံမ်းဟာဝ်း ကဝ်အီဖောက်ကဘေဲမ်နီန် စီရီန်းဒေဒဝ် ကဝ်အီဇောႈတာမ်ကဘေဲမ်နီန်အူဇိုအောႏ။
ကဲဒါႈ ခေဲင်ပ္လါႇဘေဲႇပ်ုန်ပ္လိူရ်ႈ UWSA ကဲ ကောန်အီမာည်း ကဝ်အီဇီုဝ်ဝမ်နီန် ဂေါႇမိုႈအ်ုန်လူည်ႇအမှုကာမ၊ အမှုခံင်မဝ်း ကာည်း အမှုရံပ်တိုည်းလာည်းရိူန်းကဲနီန်စီဒဲႈ တာမ်ယံမ်းတအ်ုန် ခည်ကျံရ်ဇူန် ဆငည်း 20 ခည်ဆန်ုမ် 2023 ဒိူန်အောႏ။
ကဲဒါႈ ကောန်အီမာည်း ကဝ်အီဇီုဝ် ဝမ်ဒီန် အ်ုန်ဖောက်ဖါ်ႈကဘေဲမ်စီ ရေဲန်ဒဲႈကဝ်အီဇောႈကဘေဲမ်ကဲဒဝ်နီန် ခည်ကျံရ်မေ ဆငည်း 4 ဒိူန် ပ်ုန်ရေဲန်ဟာဝ်းအ်ုန်လှေနီန် ဂေါႇမိုႈ အ်ုန်လူည်ႇ ဥပဒေကပီုန်ဝကဲ စီဒဲႈတာမ်ယံမ်း စီပျံမ်းဟာဝ်းလာ်အ်ုန်အောႏ။
ကဝ်အီနံပ် ဘည်မိုႈဘည်ဘာည်းနီန် အူအီးက္လာင်းတဖုင်ဆျှိုည်ဖီမျေဒါႈ ” အ်ုန်မိုႈ ႎံရ်ခြိူဝ်းခယ်။ ကဲယိူဝ်းအ်ုန် ခိင်ဖောက်အ်ုန်တကဘေဲမ်။ အ်ုန်လူည်ႇအမှုကာမ၊ အမှုခံင်မဝ်း၊ အမှုဘြား ကာည်း အမှုကဲဟံရ်။ ကဲဒဲႈဖါ်ႈ တာမ်ယံမ်းစီ ပျံမ်းဟာဝ်းပံတ်အူကဇေန်း”
ကောန်အီမာည်း ကဝ်အီကတူႈကငျားအီဒဲႈတာမ်ယံမ်းဒီန် ဒီမှောအ်ုန်ဇောႈကဘေဲမ် ဒီမှော အ်ုန်ကတူႈအီဒဲႈတာမ်တအ်ုန်နီန် အာဝ်တောပ်စီ ခေဲင်ပ္လါႇဘေဲႇ ပ်ုန်ပ္လိူရ်ႈ UWSA ကဲအောႏ။
ခည်ကျံရ်မေဒိူန်မာ် UWSA ကဲဒဲႈဟာဝ်း တာမ်ယံမ်းတကောန်အီမာည်း 2 အီး ဂါရ်အီလီလာနဘာည်းဟာဝ်းတကောန်ဒဲႇအူအီးနီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဆျှိုည်ဖီမျေဂဲနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
