မာည်းရူပ၊ ကျံရ်ဇူန်လည် ဆငည်း 8၊ ရူကော
ဘိူန်းအယ်နံပ် တတိုအီးခေဲင်အရာပ်ကဲ က္လာင်းဒါႈ ကောန်ဆီုက်တအာင်းကဲ 2အီး တောပ်ဟာဝ်းခေဲင်အိုမ်ပ္လေါင်နံမ့်ရီး အ်ုန်အီဂေါည်ခနား ရဝ်မိူင်းဘော်ကာည်း လှံင်အေဲမ်ငျံရ် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲနီန် ယံမ်းဟာဝ်းပွံတ်အောႏ။
ခိင်ကောန်ဆီုက် TNLA ကဲ 2အီး ယိူဝ်ႇကဒါႇလှံင်အိုမ်ငျံရ် ႎီရ်ဟာဝ်းကဒါႇရဝ်မိူင်းဘော် ဇိုချီုင်ခ္လေါႈဟာဝ်းဂါရ် ပ္လေါင်နံမ့်ရီး အိုမ်ဟည်လှည်ဟာဝ်းဂါရ် ခည်ကျံရ်ဇူန်လည် ဆငည်း 7ဒိူန်အောႏ။
ကောန်အီပ်ုန် ကဝ်အီနံပ်ဘည်မိုႈဘည်ဘာည်းနီန် အူအီး က္လာင်းတဆျှိုည်ဖီမျေဒါႈ “ခိင်ဒေဲႈဂါရ်အာရ်အီးဒီန် ဘြည်ဟည်အံပ်ယာ့်။ အိုမ်ပပ္လေါင်နံမ့်ရီးဒီန်မာ် ဒါင်းခည်း။ အိုမ်ဟိုက်ကံပ်ခ္လေါႈကပီုက်။ အိုမ်ယိုင်းဟာဝ်း ခိင်ကခါမ်အိုမ်ပပ္လေါင်နံမ့်ရီးဂေါည်ယံမ်း ပပ္လေါင်ဒီန်”
ကဲဂီုည်ဆီုပ်ဟြီုက်ဖါ်ႈ တိုပိုင်းခန္ဓာယံမ်း ကောန်ဆီုက် TNLA ဂါရ်အီကတူႈအိုမ်ယိုင်းဟာဝ်းဂါရ်ဒီန် မောကံပ်ရောတ် ဘံင်ကျံရ်ဇူန်လည် ဆငည်း 8 ညှံမ်ယိူဝ်းစိ တိုပိုင်းခန္ဓာယံမ်းဂါရ်ဒီန်အောႏ။
တိုအီးခေဲင်အရာပ်ကဲ က္လာင်းဒါႈ တောန်ရောတ်စာ်မ်း ချီုင်က္လာည်း ဂီုည်မိူဝ်ႈ ဘည်ယိုင်းဟာဝ်းအိုမ်တ တိုအီးခေဲင်အရာပ်ကဲအောႏ။
ခည်ဆန်ုမ် 2024 ခေဲင်ကျံရ်ဆဲပ်တီမ်ဘာဒိူန်မာ် ဇိုချီုင်ခ္လေါႈဟာဝ်း တိုအီးရဝ်ဟိုမူန်း လှံင်ရူကောကဲ ပပ္လေါင်နံမ့်ရီးဒီန် 3အီး အိုမ်ဟည်ယိုင်းဟာဝ်းဖါ်ႈကဲ ယံမ်းဟာဝ်းပွံတ်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
