ယာရူစိင်၊ ကျံရ်အံက်တိုဘာ ဆငည်း 3၊ ဆဘော
ကောန်အီမာည်း ကဝ်အီဂေါည်ပကီုင်းဆဘောနီန်အူအီး က္လာင်းတဆျှိုည်ဖီမျေဒါႈ တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဟာဝ်း ပ္လေဘျုင် ပေါင် 500 ပကီုင်းဆဘော အ်ုန်အီမိုႈ ဒီပ်ုန်ထိင်ခြဲအူန်း PSLF/TNLA ကဲနီန် 2ပိုင်းအောႏ။
ခည်ကျံရ်အံက်တိုဘာ ဆငည်း 2 ခိင်မှိူဝ် 10နြီ 15မနေတ်ဒိူန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဟာဝ်းပ္လေ ပဟိုတယ်ကုမုဒြာ အ်ုန်အီဂေါည်ပဇံင် စံဖိတ် ကီုင်းဆဘောနီန်အောႏ။
ကောန်အီမာည်း ကဝ်အီဂေါည်ပကီုင်းဆဘောနီန်အူအီး က္လာင်းဒါႈ “အ်ုန်ဇောႈရဘံန်း ဟိုတယ်။ အ်ုန်လအေ့ ဟိုတယ်ဒီန်။ ဆာ်မိုႈကဒါႇဒီန် အာဝ်မိူဝ်ႈစိဂါင်ဂေါည်။ မိူဝ်ႈလိူည် ဆံင်ခဴင်ကာည်း မာရ်အီး”
ဇူႈပွံတ် ကျံရ်ဇူန်လည် ဆငည်း 4 ရောတ်ဘံင် ကျံရ်အံက်တိုဘာ ဆငည်း 3နီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဟာဝ်းပ္လေ ဟည်မိုႈ 10လိူဝ်ႈယာ့်အောႏ။
ခည်ကျံရ်အံက်တိုဘာ ဆငည်း 2 ခိင်ညှာ 7နြီ 15မနေတ်ဒိူန်မာ် ဂေါႇမိုႈကဲဒေဲႈပျောႈဟာဝ်း ပေါင် 500 ခေဲင်ဇံင် 8 ကီုင်းအိုမ်ငျံရ် အ်ုန်အီမိုႈဒီဂေါည်ဂီုန်းတိုအီးနီန် စီပဲန်တိုအီးခေဲင်အရာပ်ကဲ ဟည်ယံမ်းဟာဝ်းဖါ်ႈ 4အီး လဘာတ် 6အီးအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
