ဆျှိုည်ဖီမျေ၊ ကျံရ်နိုဗဲမ်ဘာ ဆငည်း 10၊ အေဲမ်ကိုက်
ကဝ်အီကဒံပ်တောပ် အီရေဲန်ဇီုင်းကာန်ခေဲင်ဆဴင်အူအီး က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ကပီုန်ဆျှံမ်ကဒါႇပိုည် ပကီုင်းအေဲမ်ကိုက်နီန် ကညာဆဴင်ဂ်ုပ်ကိင်အူအီး ရီန်ဒေလီလာနဘာည်းတ ကဝ်အီရေဲန်ဇီုင်းခေဲင်ဆဴင် ကောန်အီပ်ုန်အူအီးအောႏ။
ခည်ကျံရ်နိုဗဲမ်ဘာ ဆငည်း 6 စူန်အံပ်ဒိူန် ပဆဴင်ဂ်ုပ်ကိင် အ်ုန်အီဂေါည်ခေဲင်ဇံင် 4 ပကီုင်းအေဲမ်ကိုက်နီန် ကညာဆဴင်အ်ုန်အီဘိူန်း အဆာက် ကပံတ် 20 ဆန်ုမ်နီန် မံဝ်းဖါ်ႈအိုမ်ဆနံမ် ရီန်ဒေလီလာနဘာည်းဟာဝ်းတ ကောန်အီပ်ုန်အီရေဲန်ဇီုင်းကာန်ခေဲင်ဆဴင်အောႏ။
ကောန်အီပ်ုန်ကဝ်အီကဒံပ်တောပ် ရမာအ်ုန်အူအီး က္လာင်းတဖုင်ဆျှိုည်ဖီမျေဒါႈ ကညာဆဴင်ကောန်အီမာည်းဒီန် စူန်အီတ်ဖါ်ႈကောန်အီပ်ုန် ကဝ်အီဘိူန်းအဆာက် 19 ဆန်ုမ်ဒီန် ရီန်ဒေနဘာည်းမာ် ဂေါႇမိုႈကောန်အီပ်ုန်ဒီန်ယာမ် အ်ုန်စီယိူဝ်ႇလည်လေႈဟာဝ်းလာ်ဒါႇဒီအီတ်အောႏ။
ကဲဒါႈ “ အ်ုန်မိုႈကညာဆဴင်ဒီႈ ဆေမာ်အာဝ်ကတီုင်မိုႈတအ်ုန်နံင်ဘာည်းဒီန်။ ကောန်အီမာည်းဒီန် အ်ုန်မံဝ်းဒေဲႈဒေဒါနှာရိူဝ်ႇ။ ဂေါႇမိုႈအ်ုန်ဟိူဝ်း စီဆူည်ႇလာ်ကောန်အီပ်ုန်ဒီန် ကာႇအ်ုန်။ ခိင်ဒီန်အ်ုန်စီစူန်အီတ်ကောန်အီပ်ုန်ဒီန်ဒီအီတ်အ်ုန်။ ကောန်အီပ်ုန်ဒီန်စီဒါႈ ဗဲ့အ်ုန်ဆဲဝ် ယိူဝ်ႇဟာဝ်းလာ်ဒီအီတ်အ်ုန်။ ဟောည်ႇဒီန်အ်ုန်မာ်တောပ်ဟာဝ်းဘိုးရဘံန်ကောန်အီပ်ုန်ဒီန်စီန် လီလာဖူ;ဟာဝ်းတိုကောန်အီပ်ုန်ဒီန် စူန်အီတ်ဘိုးအ်ုန်တေဲင်ဒီအီတ်။ ကောန်အီပ်ုန်ဒီန်မာ်ယောဖါ်ႈစီ ယာမ်လာ်ဒီႈ။ ကောန်အီမာည်းဒီန်စီယိူဝ်ႇလည်လေႈဟာဝ်းလာ်ခေဲင်ဗှါင်းဒီအီတ်ဒီန်”
လက်ရှိမှာတော့ အဆိုပါအမျိုးသားကို တအာင်းတပ် PSLF/TNLA ရဲ့ ရဲတပ်ဖွဲ့က ဖမ်းဆီးထားပြီး အမျိုးသမီးဘက်က ကာမကြံစည်မှုနဲ့ အမှုဖွင့်ထားတယ်လို့ သိရပါတယ်။
ဖုင်ကောန်အီပ်ုန်ကဲ က္လာင်းဒါႈ အမှုလေနီန် အ်ုန်ဘိူည်အာဝ်မိုႈ အ်ုန်လီလာနဘာည်းဟာဝ်းမာ် ဂေါႇမိုႈအ်ုန်အာဝ်တောပ် ဆဖောကောန်အီပ်ုန်ဒီန် ပ်ုန်လိူရ်ႈဘည်နဘာည်းနီန် လိုအေ့တိူဝ်ႈလာည်းအရေးအောႏ။
ခည်ကျံရ်ဆဲပ်တဲမ်ဘာဒိူန်မာ် ပဂါင်ဆနံမ် အ်ုန်အီဂေါည် ခေဲင်ကီုင်းအေဲမ်ကိုက်နီန် ကညာဆဴင်အူအီးလီလာနဘာည်းဟာဝ်းတ ကောန်ကညောမ် အ်ုန်အီဘိူန်း အဆာက် 15 ဆန်ုမ်နီန် ဂည်လိူဝ်ႈဂည်လိူဝ်ႈအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
