မာည်းရူပ၊ ကျံရ်အောဂ်ုတ် ဆငည်း 23၊ သပိတ်ကျင်း
ကဝ်အီဒဲႈဆဒါင် အူအီး က္လာင်းတဖုင်ဆျှိုည်ဖီမျေဒါႈ ဒီဂီုည်ပဲန်အူန်းတံပ်ကညာအာဏာဆီုက်ဇေဝ်ကဲ ကာည်း လံပ်တီုက်ႎှီုန်းကဲတ ပ္လေါည်ကတီုက်ကပဴင်နီန် ခေဲင်လှံင်သပိတ်ကျင်း ပႎါင်းပနောချှံန်ဇာရ် ကနံဝ်း 13 အ်ုန်အီဂေါည် ရီမ်းပြောတွင်းငယ်နီန် ကဲပျောႈဟာဝ်းဘျုင် 35 ပိုင်းအောႏ။
“အမှိူဝ် ခီဆိူမ် ကပံတ် 9 နြီဒိူန် ကဲဒါ Y – 12 နီန် 7 လိူဝ်ႈ ပျောႈဟာဝ်းဘျုင် 35 ပိုင်း။ ကဲပျောႈဟာဝ်း ရီမ်းတံပ် 13 နီန်။ အာဝ်မိူဝ်ႈစိ ဘည်လ”။
အ်ုန်ဆီုပ်ဒါႈဘိုး ဖုင်လံပ်တီုက်ႎှီုန်းကဲ ဘိကပါ်ႇကပံန်အူန်း တံပ် တတက 13 နီန် ခနားကဲမာ် မိူဝ်ႈအေ့ ဘည်လည်ပဴင်ပ္လေလာက်နာက်ဒါင်းနီန် တောန်ဆငည်းအောႏ။
ဆဲႈဒီန် တံပ်လံပ်တီုက်ႎှီုန်ကဲဒါႈ ခေဲင်တံပ် တတက 13 ဒီန်မာ် တံပ်ကညာအာဏာဆီုက်ဇေဝ်ကဲ ဟံပ်ရဲင်ဘ္လောမ် ကာည်း လာက်နာက်ကဲနီန် တောန်ဆငည်းအောႏ။
ဘိူန်းအယ်နံပ် ကဲဒါႈ တံပ်ဆီုက်တအာင်း TNLA ကဲကာည်း တံပ်ကပိုမ်ကဲမိုႈ အီဘိကပါ်ႇကပံန်အူန်း တံပ် တတက 13 နီန်အောႏ။
ခည်ကျံရ်ဇူန်လည် ဆငည်း 22 ဒိူန် အ်ုန်အီမိုႈကီုင်းပ်ုန်ထိင်ခြဲ လံပ်တီုက်ႎှီုန်းကဲနီန် တံပ်ကညာအာဏာဆီုက်ဇေဝ်ကဲ ဟည်ဘိူန်းဖါ်ႈဒေဆီမ်းဟာဝ်း ရဝ်ခည်ဂီုန်းမိုႈ တံပ်လံပ်တီုက်ႎှီုန်းကဲထိင်ခြဲအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
