မာည်းဖိူမ်းဆငဲ၊ ဇံန်နဗရီ ဆငည်း 25၊ တာန်ယာန်
တိုအီးအရာပ်ဒီန် ကောန်အီပ်ုန်အူအီး က္လာင်းတဖုင်ဆျှိုည်ဖီမျေဒါ; ပကပီုန်ဆျှံမ် ကဒါ,ပိူည် ခေဲင်ကီုင်းတာန်ယာန်နီန် တံပ်ကညာအာဏာဆီုက်ဇေဝ်ကဲ တောပ်ဒေတိုည်းဟာဝ်း ယာန်အ်ုန်အီအာဝ်မိူဝ်; လည်ဆီန်ကဲဒိူန် ဟောည်,ဒီန် ဆူည်,ဘိုးကညာကဲဗီရ်ရော;ဒါရိူန်းဒါပယာ်;ဆဲန်အောႏ။
ကဲဒါ; ခည်ဆန်ုမ် 2025 ဒိူန် ကဲဘိူည်အာဝ်စေတ်မေန်း လည်ဆီန်ယာန်ကဲနီန်နာ် ဘံန်မို; ခေဲင်ဆန်ုမ် 2026 နီန် ကဲဟည်ဇူ;ဘိုးဒေစေတ်မေန်းဟာဝ်း လည်ဆီန်ယာန်ကဲနီန်အောႏ။
“ ဆာ်ကဲမိူဝ်နော;ဆိင်စေတ်ခါ,မှောမာ် ကဲယိူဝ်,စေတ်။ ပ်ုန်တိုည်းကဲ အာမဒါင်းမို; ကား။ မံင်လိူဝ်;မာ် ကဲတိုည်းတောပ်ပည်ဆဲင်ကယ်။ အာဝ်ယိူဝ်းစိကဲစေတ်တောပ်ဘည်ခ္လေါ;ဆဲင်ကယ်နီန်။ ကဲလီပ်စေတ်လိူည်ခေဲင်ဆဲင်အီယံင်းဆဲင်ကယ်”။
ကဲဒါ; ခေဲင်ပ်ုန်စေတ်မေန်းကဲ ယာန်အီအာဝ်တောပ်လည်ဆီန်နီန် ကဲတိုည်းအူန်းဖါ်; ဆာ်မို;ကညာအ်ုန်စီ ကဲဒဲ;အ်ုန်ဇော; တာမ်ကဘေဲမ် 3 ကျံရ်ရောတ် 6 ကျံရ်အောႏ။
ကဲက္လာင်းဒါ; “ အာဝ်မို;စိ ကဲတိုည်းတောန်ဆငည်း။ ကဲတိုည်းတောပ်အခိင်အ်ုန်။ အာည်,တိုည်းကဲ ကဲက္လာင်းဖါ်;တတိုအီကဒံပ်တောပ်ကဲစီလီပ်တိုည်းဟာဝ်း။ စီဒါ; နံင်တိုည်းဟာဝ်းကား Without ကဲနီန်။ ကဲအာဝ်လီပ်တိုည်းကဆဝ်းစိ။ ဆာ်ကဲဟည်တိုည်းဟောည်,မာ် အာဝ်ဘိူန်းစိ ဗီရ်ရော;။ ဆာ်အယ်အာဝ်ဆိင်ဇော;ကဘေဲမ်မာ် ဗီရ်ရော;ဘိုးတိုအီးဒီန် ဒါရိူန်း 100 ဆဲန်လေ;”။
ပတာန်ယာန်နီန် ကဲဇူ;ဒါ ဘံန်ဆံန် ကပံတ် 1 နြီရောတ် 4 နြီနီန် ကဲတိုည်းကဆဝ်းယာန်အီအာဝ်တောပ် လည်ဆီန်နီန် ခေဲင်ကျံရ်နီန် ကာည်း ခည်ဆငည်းအီဘိူန်ဒေဲ;မာ် ကဲတိုည်းဟာဝ်းအောႏ။
တံပ်ကညာအာဏာဆီုက်ဇေဝ်ကဲ ဇူ;ဒါခေဲင်ကျံရ်မေ ခည်ဆန်ုမ် 2025 ဒိူန် စေတ်မေန်းဟာဝ်းဖါ်; ယာန်အ်ုန်အီအာဝ်တောပ် လည်ဆီန်နီန်စီ ဗီရ်ဆူည်,ကဲရော;ဒါရိူန်းအောႏ။
ကဝ်အီကပ္လါႇဘေဲႇဆဒါင် – လိုည်းပို;ဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
