ပိုႈလဘား၊ ကျံရ်မေ ဆငည်း 15၊ မိုဂူႈ
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ပလိက်တအာင်း ကဲအီကပါ်ႇကနာည်လံပ်ကတ်ုမ်နီန် ပကီုင်းမိုဂူႈ ကဒါႇလေႈဆာင်ငည်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲနီန် ကတူႈအီးပဴင်။
ကောန်အီမာည်း ကဝ်အီနံပ်ဘည်မိုႈဘည်ဘာည်းနီန် အူအီး က္လာင်းဒါႈ အ်ုန်ပဲန်ဒေဲႈ ခည်ကျံရ်မေ ဆငည်း 12ဒိူန် ခိင်တံပ်ပလိက်ကဲ စေတ်မေန်းကတီုင် တောပ်ဘည်ပဲန်ဒေဲႈ ပ္လေဘောမ်ပဒူႈပကီုင်းမိုဂူႈနီန် အာဝ်နံပ်ဖုင်ဆေမိုႈ ဘဒါဆဲင်ကယ်အာရ်ကြောင် စီတီုတ်ရဘိပ္လေဘောမ်ဒီန် ဒေါတ်ဟာဝ်းတကဲအောႏ။
“အ်ုန်ပဲန်ပကီုင်းမိုဂူႈ ကဒါႇလယ်ဦး။ ခိင်ဒေါတ်ကဲတပ္လေဘောမ်ဒီန် ပလိက်ကဲ ဟည်အီတ်ကဒံပ်ပွံတ် အာည်ႇပဒူႈအ်ုန်။ ကဲဒဝ်ဟာဝ်းဖါ်ႈ။ ဘံန်ဟောည်ႇပဒူႈအူပိုင်းဒီန် ပလိက်ကဲမာ် ပဴင်ဟာဝ်းကဲ။ ကဲမာ် ႎီရ်ဒေါတ်ဘိုးဒါ ပ္လေဘောမ် စီဒဝ်းဟာဝ်း”
ကောန်အီမာည်း ရကႎိုည်နီန် ဆီုပ်က္လာင်းဒါႈ ခေဲင်ဖုင်ကဲအီဒေါတ်ဒီန်အူအီး ပလိက် TNLA ကဲ ဟည်ဘိူန်းဖါ်ႈဒေတိုည်း ကနာည်နံင်ဘိူန်းဘိုးဒေတိုည်း ကဲအီဟံရ်ဒီန် ဂီုည်ဒါ့်ဆီုပ်တခေါရ်အူန်းအောႏ။
ခည်ကျံရ်မေ ဆငည်း 11 ခိင်မှိူဝ် 7နြီလေႈအူကဒည်ဒိူန် ကောန်အီမာည်းအီအာဝ်နံပ်ဇီုဝ် 2အီး ဒေဲႈဒေါတ်ပ္လေဘောမ် ပကီုင်းမိုဂူႈ ကဒါႇလေႈဆာင်ငည်း ရအာည်ႇဘား Music Zone နီန် 2ပိုင်းအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
