ပိုႈလဘား၊ ကျံရ်အောဂ်ုတ် ဆငည်း 24၊ အေဲမ်ခြီရ်
ဘိူန်းအယ်နံပ် မိုႈတ ဖုင်ပလိက်တအာင်းကဲ ဟည်ဘိူန်းဒေတိုည်းဟာဝ်း ကောန်အီမာည်း 5အီး ကဲအီႎိူဝ်ႈဂါင် ဘြားဟာဝ်းဂြိုအီး ပလှံင်အေဲမ်ခြီရ် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – PSLF/TNLA ကဲအောႏ။
ကောန်အီမာည်း ကဝ်အီဂေါည်ခေဲင်အရာပ်နီန်အူအီး က္လာင်းတဆျှိုည်ဖီမျေဒါႈ ဖုင်ပလိက်လှံင်ကဲ စေတ်မေန်းဖါ်ႈ ခည်ကျံရ်အောဂ်ုတ် နှားအာရ်ဒိူန် စီဘိူန်းဒေတိုည်းဟာဝ်း ကောန်အီမာည်း ကဲအီဘြားဆဲင်ကယ်နီန် 4အီးကာည်း ကဝ်အီရံပ်ခါမ်ဂြိုဒီန် အူအီးအောႏ။
“ကဲဘိူန်းဒါဆဒါင် တတိုအီးခေဲင်အရာပ်ကဲ စီဟာဝ်းတိုည်း။ ကဲတိုည်းဟာဝ်း ဟည်ဘိူန်း 3ဆငည်း 4ဆငည်းယာ့်။ ကဇေန်နီး ကဲကပါ်ႇဖါ်ႈ ခေဲင်ကီုင်း ဆူည်ႇကဲက္လာင်းနှဲ ဘည်ဘြားကဲတ ကူန်ရဝ်မာဂါင်ကဲ။ အူအီးအ်ုန်ဖောက်ဆဴင်ႎှုင်။ ဘြားဟာဝ်းဒိုႇႎှုင်။ ဆဲႈဒါႇဒီန် မိုႈကဲဘြားဆဲင်ကယ်”
ကောန်အီမာည်း 5အီးကဲဒီန် ဆဲႈဒါႇကဲဘြားဆဲင်ကယ် ဟည်မိုႈ 10ကြောင်အာဝ်ယောမ် ကဲဘြားအူန်းဘိုး ႎှုင်၊ tablet ကာည်း နြီ ဆဲႈဒါႇဒီန် ကဲမိုႈဘိုး ကဲလူည်ႇတာမ်အီုင်ဂ္လံတ် ဒါခံင်မဝ်း၊ ႎိူဝ်ႈဂါင်အီး ကဲဂဲနီန်အောႏ။
ဆာ်မိုႈကဇေန်နီး ဖုင်ပလိက်ကဲ တိုည်းအူန်းဖါ်ႈ ကောန်အီမာည်း 5အီးကဲဒီန် ကဲဒါႈနံင်တိူဝ်ႈလာည်းအရေး တောပ်ဉပဒေတကဲအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
