ဆျှိုည်ဖီမျေ၊ ကျံရ်အောဂ်ုတ် ဆငည်း 14

ဖုင်သုတေသန အစဲန်ဆမဲင်ခြိူဝ်းတအာင်းကဲ တောႇကညာပိင်ငျာဆျှီန်သုတေသန ကာည်း အီနံင်ရေဲန်ဇီုင်းကာန်ခေဲင်လူမ်နီန် 8 အီးအောႏ။

နံင်တောႇဟာဝ်း ကညာပိင်ငျာဆျှီန် 4 အီး ကာည်း အီရေဲန်ဇီုင်းကာန် ခေဲင်လူမ်နီန် 4 အီး တိုအီး ကဲအီဆိင်ရေဲန်ဇီုင်းကာန်နီန် ဘိူန်းအေ့ကတူည်ႇဖါ်ႈ ဆငည်းဘိပ္လါႇဘေဲႇမိုႈ ကျံရ်အောဂ်ုတ် ဆငည်း 25 အောႏ။

ကဲအီးနံင်ရေဲန်ဇီုင်းကာန်နီန် နံင်လိုမိူဝ်ႈ ထာန်လဲပ် အီးဟောည်ႇအံင် ချှံန်တက္ကသိုလ်၊ လိုမိူဝ်ႈဝါဆနာ ကိက်ကစု အစဲန်ဆမဲင်၊ လိုမိုႈ အီးဟောည်ႇပ္လံက်တံင်ဇူႈကာ်မ်ပျူတာ၊ လိုမိုႈ အီးအဆာက်ခနား 18 ကာည်း 45 ဆန်ုမ်၊ လိုမိုႈအချာင်မှိူမ်ကျန၊ လိုမိုႈအီး အာပ်ဒဲႈဇီုင်းကာန်အဆေမာ် ဘယ်ဒေရေဲန်နိုက်ကတီးကရီး ကာည်း လိုမိုႈအီး အာဝ်ကကာႈ လိင်၊ခြိူဝ်းမျိုး၊ ဖာဆာ ဘယ်ဒေလီပ် ေလႈေဇာမ်အီး။

ကနာည်ဖုင် နံင်လိုဟြီုက်တခေါရ် အစဲန်ဆမဲင်တအာင်း ၊ နံင်လိုဟြီုက်တခေါရ် ဘည်မိုႈဘည်ဘာည်းအစဲန်တအာင်း ကာည်း ထုင်ရိုဘိုစေန်ခြိူဝ်းတအာင်း ၊ပံရ်အစဲန်တအာင်း ကနာည်နံင်ရေဲန်ဟာ၀်းသုတေသနနီန်အောႏ။

ကဲအီဆိင်ရေဲန်ဇီုင်းကာန်လှေနီန် ဘိူန်းအေ့ကတူည်ႇကႎှ ဒေဲႈ ကနံဝ်းႎှုင် Telegram ,WhatsApp 09-686732954,09-263072904 နီန် ကဲနံင်လည်ယိူဝ်းတိုအီး အင်တာဗျူးဟာဝ်း ဘံန်ဒိုည်ႇကျံရ်အောဂ်ုတ်အောႏ။

ကဝ်အီကပ္လါႇဘေဲႇဆဒါင် – လိုည်းပိုႈဆပေ

ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။

Shwe Phee Myay YouTube

Shwe Phee Myay Telegram

Sign Up for Our Newsletters

Get notified of the best deals on our WordPress themes.

You May Also Like

ခေဲင်ကီုင်းမာဝ်းဝံင်းနီန် တံပ်ဆီုက်ကညာအာဏာဆီုက်ဇေဝ်ကဲ ဂီုည်ပဲန်ကရဲင်ပ္လေါည်ကတီုက်ကပဲင်

ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီ‌ေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင်တောပ်ကော်င် ခေဲင်ရဝ်လုံဝယ် တိုက်ဟာဝ်းဘိုးဂါင်ဂေါည်

တံပ်ဆီုက်တအာင်း TNLA ကဲ ပ္လိူရ်ႈလေႈဒါႈ ဒီပဲန်ကရဲင် ပ္လေါည်ကတီုက်ကပဴင် ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ပျောႈဟာဝ်းဘျုင် 30 ပိုင်း ကာည်း ဘျုင်တောပ်ကော်င် 3 ပိုင်းအောႏ။

ဒီခေဲင်ကီုင်းသပိတ်ကျင်းနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲ

ကဲအီဂေါည်ခေဲင်ပ္လေါည်ကတီုက်ကပဴင်ကဲနီန် က္လာင်းတဆျှိုည်ဖီမျေဒါႈ ဒီကီုင်းသပိတ်ကျင်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်လံပ်တီုက်ႎှီုန်းကဲနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲအူန်း ခည်ကျံရ်ဇူန်လည် ဆငည်း 22ဒိူန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။