ရူပ်ရာင် – Local

လိုည်းဇူန်မိုး၊ ကျံရ်နိုႎဲမ်ဘာ ဆငည်း 3၊ပင်းတယ

ကပီုန်ဆျှံမ်ကဒါႇပိူည် ခေဲင်အရာပ်ဓနု ပလှံင်ပင်းတယနီန် ဆီုက်ဆျှံမ် RCSS ကဲ တိုည်းဟာဝ်း ကောန်အီမာည်း 20 အီး စောည်ဒါႈမိုႈ ကဲဒါခံင်မံဝ်း။

ကဝ်အီနံပ်ဘည်မိုႈဘည်ဘာည်း ကောန်အီမာည်းအူအီး က္လာင်းဒါႈ ခည်ကျံရ်အံက်တိုဘာ ဆငည်း 26 ဒိူန် ဆီုက်ဆျှံမ် RCSS ကဲ စောည်ဒါႈမိုႈ ကဲဒါခံင်မံဝ်း တိုည်းဟာဝ်းကောန်တဘိုက် မိုင်းအင်၊ ဆင်ကျုံး၊ အိုးကုန်း၊ ကျောက်ပလ္လင်၊ တောင်ပု၊ မြေနီကုန်းကဲ 24 အီး။

“ မိုႈအေ့ ကဲဒေဲႈတိုည်းဟာဝ်း တိုအီးဒါခံင်မံဝ်း 2 အီး။ ကဲဟည်တိုည်းဟာဝ်းဖါ်ႈကဲ တောႇဘိုးဂေါအ်ုန် တောပ်ပည်အီအာဝ်ဒါကဲဒီန် ကဇေန်နီး ဟည်ဂေါည် 24 အီး။ ႎီရ်ရောႈဒါရိူန်းမာ် အာဝ်ဘိူန်း။ ကဲအာဝ်ရံပ်ခါမ်။ ကဒါႇယဲ ဆာ်ကဲဒေဲႈရောတ် ပဲန်ခည်းနောႈကီန်း။ ဘည်နံင်ဟာဝ်းႎီရ်မာ်ကီန်းဒည်း။ ကနာည်နံင်လီပ်လေႈမာ် ကတူႈဒုက္ခ”

ခေဲင်ကဲအီကတူႈတိုည်းကဲနီန် အ်ုန်တောပ်ပည်အီဒါခံင်မံဝ်း ကဇေန်နီး ပ်ုန်တိုည်းဟာဝ်းကဲ ဘိူည်ဒါႈဟည်ဂေါည် 24 အီးမာ် ဖုင်ဆျှိုည်ဖီမျေကဲ ညှံမ်ဘယ်စိဒေနံပ် ကတီးကရီးအောႏ။

ကဲဒါႈ ကံပ်ရောတ်ကဇေန်နီး ကောန်အီမာည်း ပ်ုန်ကတူႈတိုည်းကဲဒီန် ညှံမ်ဘိူန်းစိ လည်ယိူဝ်းတောပ်ရမာ်ကဲ မိုႈဘိုးဒီမှောကဲ ကတူႈတိုည်းအူန်းမာ် အာဝ်နံပ်အောႏ။

ဘိူန်းအယ်နံပ်တောပ်ဘည်က္လာင်း တိုအီးအရာပ်ကဲဒါႈ ဂေါႇပ်ုန်မှာန်းကဇောည် တံပ်ဗထူးနီန် တံပ်ဆီုက်ဆျှံမ် RCSS ကဲရေဲန်ဖါ်ႈဂေတ်ကဲ ဒီလီပ်ခေဲင်ရဝ်မိုင်းအင် ပလှံင်ပင်းတယနီန်အောႏ။

ဘိူန်းနံပ်တောပ်ဘည်က္လာင်းတိုအီးအရာပ်ကဲဒါႈ ခည်ကျံရ်အံက်တိုဘာ ဆငည်း 28 ခီညှာကပံတ် 10 နြီဒိူန်မာ် ကောန်အီမာည်း ကဝ်အီဇီုဝ် ကိုရဲဝင်းနိုင် ဘိူန်းအဆာက် 23 ဆန်ုမ် အ်ုန်အီယိူဝ်ႇဒေဲႈ ကဒါႇရဝ်လှည်းတိုး ဒါႈနံင်ဟာဝ်းခေဲင်လှံင် ပင်းတယ ပရဝ်မိုင်အင်နီန် RCSS ကဲ ပဴင်ယံမ်းဟာဝ်းအ်ုန် ပဂေတ်ရဝ်မိုင်အင်းဒီန်ဒါႈ ဂေါႇမိုႈ ယဲဂျဲတ်ကား အ်ုန်အာဝ်ဇံင်း။

ကဝ်အီကပ္လါႇဘေဲႇဆဒါင် – လိုည်းပိုႈဆပေ

~ ~ ~

ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။ ‎

Shwe Phee Myay YouTube

Shwe Phee Myay Telegram

Sign Up for Our Newsletters

Get notified of the best deals on our WordPress themes.

You May Also Like

ခေဲင်ကီုင်းမာဝ်းဝံင်းနီန် တံပ်ဆီုက်ကညာအာဏာဆီုက်ဇေဝ်ကဲ ဂီုည်ပဲန်ကရဲင်ပ္လေါည်ကတီုက်ကပဲင်

ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီ‌ေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင်တောပ်ကော်င် ခေဲင်ရဝ်လုံဝယ် တိုက်ဟာဝ်းဘိုးဂါင်ဂေါည်

တံပ်ဆီုက်တအာင်း TNLA ကဲ ပ္လိူရ်ႈလေႈဒါႈ ဒီပဲန်ကရဲင် ပ္လေါည်ကတီုက်ကပဴင် ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ပျောႈဟာဝ်းဘျုင် 30 ပိုင်း ကာည်း ဘျုင်တောပ်ကော်င် 3 ပိုင်းအောႏ။

ဒီခေဲင်ကီုင်းသပိတ်ကျင်းနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲ

ကဲအီဂေါည်ခေဲင်ပ္လေါည်ကတီုက်ကပဴင်ကဲနီန် က္လာင်းတဆျှိုည်ဖီမျေဒါႈ ဒီကီုင်းသပိတ်ကျင်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်လံပ်တီုက်ႎှီုန်းကဲနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲအူန်း ခည်ကျံရ်ဇူန်လည် ဆငည်း 22ဒိူန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။