ပိုႈလဘား၊ ကျံရ်ႎှဲပ်ဘျူရီ ဆငည်း 5၊ လာဆေဝ်
တိုအီးအရာပ်ကဲ ကောန်အီမာည်းအူအီးက္လာင်းဒါႈ ပလှံင်လာဆေဝ် ခေဲင်ခမို ရဝ်နမ့်ပေါင်နီန် တိုအီးအရာပ် ကဲအီနှဲဆဖော ဆံင်ခံတ်ဟာဝ်း ပ်ုန်ကိူဝ်ႈ MNDAA ကဲတခြီရ်နီန် ကတူႈတံပ်ကိုကာင် MNDAA ကဲတိုည်းဟာဝ်းကဲအောႏ။
ကဲဒါႈ ခည်ကျံရ်ႎှဲပ်ဘျူရီ ဆငည်း 1 ခီညှာဒိူန် ဂေါႇမိုႈ တံပ်ကိုကာင်ကဲ ဒေဲႈကိူဝ်ႈဟာဝ်းခြီရ်ခေဲင်ရဝ်မန်စယ် အ်ုန်အီဂေါည်ခေဲင်ခမို ရဝ်နမ့်ပေါင် ပလှံင်လာဆေဝ်နီန် ဆဲႈဒါႇအာဝ်ဘိူန်းအခွါင်း တိုအီးအရာပ်ကဲ ဂီုင်(နား) ကာည်း အိုမ်ပ္လေါင်ကဲနီန် ဟည်လူလှဲဝ်ႏဟာဝ်းနီန် တိုအီးအရာပ်ကဲစီ နှဲဟာဝ်းဆဖောအောႏ။
“ ကဲကိူဝ်ႈဟည်လှေင်။ ခည်ဇေဝ်းဒိူန် ပ်ုန်ကိူဝ်ႈကဲ အ်ုန်တဒိူင်းတောပ်ရဝ်။ ကဇေန်နီး အ်ုန်ဟည်ကဒံပ်ဒေဲႈတောပ်ရဝ် ဟည်ရောတ်ရီမ်းပြောဂီုင်။ ဂေါႇပ်ုန်ကိူဝ်ႈကဲတခြီရ်နီန် အိုမ်နီန်အ်ုန်အာဝ်ဆငါး။ ဘာဝ်မှောမာ် အာဝ်ဘာည်းဒါႈ။ ဒီနီန် ကဲအီရေဲန်မိုႈ ဝ ကာည်း ခယ်ကဲကပိုမ်ဒါရေဲန်ဟာဝ်း”
ကောန်အီမာည်း ကဝ်အီဒါႈရကႎိုည်နီန် ဆီုပ်ဒါႈဘိုး တိုအီးအရာပ်ကဲအီ ဆံင်ခံတ်ဘည်ကိူဝ်ႈ ကိုကာင်ကဲတခြီရ်ကာည်း တိုအီးအရာပ်ကဲ ပဲန်ဟာဝ်းဖါ်ႈလည်ကအေဲႈနီန် ဂေါႇဘည်ဒီန် တိုအီးအရာပ်ကဲအီနှဲဆဖော 36 အီးနီန် တံပ်ကိုကာင်ကဲတိုည်းဟာဝ်း ကဒါႇကီုင်းတေင်နီနီန်အောႏ။
“ ကဲတောႇဟာဝ်းကဒါႇတေင်နီ။ ကဒါႇတံပ်ကိုကာင်ကဲဒါႈ ကဲလီပ်မဲႈ ကောန်ဆီုက်တံပ်ကိုကာင် ကဲအီရဲ့ လံပ်ကတ်ုမ်ဒိူန်။ ခိင်ကဲပ်တ ကနာည်နံင်ရေဲန်ဆီုက်စီဒါႈ အာဝ်မိုႈတိုအီး ဘံန်လီပ်မဲႈကဲစီမိုႈဒိုႇတိုအီး ဂေါႇဘည်ဒီန် ကဒါႇကိုကာင်ကဲမာ် ယိူဝ်ႇပဴင်လာ်ဆနာတ်ဒီႈ။ ဆာ်မိုႈလိူည်ကဲနှဲဆဖောဘည်ဒီန် အ်ုန်နံင်အာဝ်ပဲန်စိဘည်ဒီန်”
ကဲဒါႈ ကဲအီကတူႈတိုည်းဟာဝ်း ကဒါႇကီုင်းတေင်နီန် ကဲအီနှဲဆဖော 36 အီးနီန် ခည်ကျံရ်ႎှဲပ်ဘျူုရီ ဆငည်း 2 ဒိူန်ဘိူည်လောတ်ဒေဲႈ 27 အီးမာ် ကဲအီကီုက် 9 အီးကဲဒိူန် ကံပ်ရောတ်ကဇေန်နီး ကဲညှံမ်လောတ်ဒေဲႈစိအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
