ယာရူစိင်၊ ကျံရ်အောဂ်ုတ် ဆငည်း 28၊ ဆဘော
ကဝ်အီကဇောည်ဒဲႈတ တိုအီးဒဝ်ႎဲႈဖေးနာန်းကဲနီန်အူအီး က္လာင်းတဆျှိုည်ဖီမျေဒါႈ ဂီုည်လိုပ်ုန်ကဇောည် ကနာည်ကဲအီဒဝ်ႎဲႈဖေးနာန်း ရောတ်စာ်မ်းပကီုင်းဆဘော ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ 400အီးနီန်အောႏ။
တံင်ဒါင်း ပ်ုန်လိုကဲမိုႈ ရကာဝ်၊ အိုမ်ပျြံင်ဟာပ်၊ ဆောႇ ကဲအီမိုႈပ်ုန်ဟောမ်ပ်ုန်ဟာပ်နီန် ကနာည်ဟောမ်ဒါပ်ုန်ဒါႇပ်ုန်ဟံရ်မာ် လိုအေ့အောႏ။
ကဝ်အီကဇောည်ဒဲႈတ တိုအီးဒဝ်ႎဲႈဖေးနာန်းကဲနီန်အူအီး က္လာင်းဒါႈ “ဆာ်မိုႈထာန်ဂေါည်ကဲ ညှံမ်ဘယ်စိက္လာင်းကတီးကရီး။ ဂေါႇမိုႈ အ်ုန်မိူဝ်ႈဘည်ယောမ်ဘည်လှိူဝ်းနီန်ယာ့်။ ဆာ်မိုႈဒီအာန်းယဲတ ကဇောည်ဒဲႈဒီန် နံင်ဂေါည် 400အီးလှိူဝ်းအောႏ။ ဆာ်မိုႈကီန်းဒည်းဒီန် ဟောမ်ဒါနီန် အ်ုန်ကီန်းခည်း ကနာည်ကဲအီဒဝ်ႎဲႈဖေးနာန်းနီန်အောႏ”
ကဲအီဒဝ်ႎဲႈဖေးနာန်းကဲနီန် ဆဲႈဒါႇ တိုအီးရဝ်တုံစင့်၊ ကျောင်းစု၊ ဆွတ်လန်ကာည်း နားမှုံ အ်ုန်တောပ်ဖါ်ႈတိုအီရဝ် ကဲအီဂေါည်ရီမ်းပြောရဝ်နားမှုံ ဆာ်မိုႈကဒါႇဂီုန်း အီးရာမ်နောႈမှည်ဒိုႇ ဖေးရာန်ယာန်ပ်ုရ်အောႏ။
ဆဲႈဒါႇဒီန် အ်ုန်တောပ်ဘိုး ရဝ်နော်င်ပေင် လှံင်မာဝ်းႎံင်းကာည်း တိုအီးခေဲင်အရာပ် လှံင်နော်င်ခေဝ်နီန်အောႏ။
ကဇေန်နီး ဂေါႇမိုႈတံပ်ကညာအာဏာဆီုက်ဇေဝ်ကဲ ဒါရဲင်ဘ္လောမ်ပစိူဝ်း ထိုးလီပ်ခေဲင်ရဝ်နော်င်ပေင် လှံင်မာဝ်းႎံင်း စီပဲန်ပ္လေါည်ကတီုက်ကပဴင်ကဲ ဆီုင်ဒါ့်ဆီုပ်ပဲန်အူန်း ဘံင်ကျံရ်အောဂ်ုတ် ဆငည်း 27နီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
