မာည်းပါင်ပျော၊ ကျံရ်မေ ဆငည်း 20၊ မိူင်မီတ်
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ပဲန်ဒေဲႈဖါ်ႈ အမှုယာန်ကဒူႈ ပကီုင်းမိူင်မီတ် ကပီုန်ဆျှံမ်ကဒါႇပိူည် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ ကောန်အီမာည်း ကဝ်အီဘဒေဲႈဆဲင်ကယ်ဒီန် 1အီး ယံမ်းဟာဝ်းပွံတ်အူစာ်န်းအောႏ။
ကောန်အီမာည်း ကဝ်အီနံပ်ဘည်မိုႈဘည်ဘာည်းနီန် အူအီး က္လာင်းတဆျှိုည်ဖီမျေဒါႈ အ်ုန်ပဲန်ဒေဲႈ ခည်ကျံရ်မေ ဆငည်း 18 စူန်မှိူဝ် ကပံတ် 6နြီဒိူန် ဂေါႇမိုႈကားလီပ်ဒူႈဒိူည်း ကောန်အီမာည်း 1အီး ကဝ်အီစူန်းဒေဲႈဆဲင်ကယ် အာဝ်မိူဝ်ႈအိုမ်ပျြံင်ထာတ်နီန် ကဒါႇလီပ်ဆာင်ငည်း ရဝ်မကျီးပင် စီပဲန်ကောန်အီမာည်း ကဝ်အီဘဒေဲႈဆဲင်ကယ်ဒီန် ယံမ်းဟာဝ်းပွံတ်အူစာ်န်းအောႏ။
“အ်ုန်ပဲန်ဒေဲႈ စူန်မှိူဝ် ကပံတ် 6နြီ။ ကောန်အီမာည်းအူအီး ဂေါႇမိုႈအိုမ်ပျြံင်ထာတ်အ်ုန်ဒိုည်ႇ အ်ုန်စီစူန်းဒေဲႈဆဲင်ကယ်အ်ုန် ကဒါႇလီပ်ဆာင်ငည်း ရဝ်မကျီးပင်နီန်။ ခိင်ဒီန် ကားအူကြောင် စီလီပ်ဒူႈဒိူည်းရဘံန်းအ်ုန် ကောန်အီမာည်း ကဝ်အီစူန်းဒေဲႈဆဲင်ကယ်ဒီန်မာ် ယံမ်းဟာဝ်းပွံတ် အူစာ်န်း”
ကောန်အီမာည်း ကဝ်အီကတူႈယာန်ဒူႈယံမ်းအ်ုန်ဒီန်မိုႈ တာနဴင်ဆောအူး ဘိူန်းအဆာက် 43ဆန်ုမ် အ်ုန်မိုႈအီဂေါည် ပလှံင်သပိတ်ကျင်း ကပီုန်ဒါင်းမာန်းတလေးအောႏ။
တိုအီးခေဲင်အရာပ်ကဲ ဘိူည်က္လာင်းဒါႈ ကညာကားကဝ်အီလီပ်ဒူႈ ဆဲင်ကယ်ဒီန်မိုႈ အီလီပ်ဖုင် PDF ကဲမာ် ကဆီုဝ်ဖုင်ယဲဆျှိုည်ဖီမျေ ညှံမ်ဘယ်မဒေ ပ္လကတီးကရီးအောႏ။
ကောန်အီမာည်းနီန် ဆီုပ်က္လာင်းဒါႈ ကညာကားဒီန် ကူပ်ယောမ်ရံပ်ခါမ်ဖါ်ႈ ဒါႈမိုႈအ်ုန်ကလူည်ႇ တကဝ်အီယံမ်းဟာဝ်း ဂေါႇယာန်ဒူႈဒီန် စီဒဲႈရိူန်း 20ဆဲန် မှာန်းကဲပ္လိုတ်ႎါင်းခွါင်းဒဲႈဟာဝ်းဖါ်ႈဘည်ဒီန် ဂြီရ်ႈဟာဝ်းပွံတ်ရောည်တည်းအောႏ။
ကောန်အီမာည်းနီန် က္လာင်းဒါႈ ဂေါႇမိုႈ ဘည်ဘားဒါလာက်နာက် ပ္လဟာဝ်းကဲနီန် အာဝ်မိူဝ်ႈလံပ်ဖြေင်ကဒိူဝ်ႈ ကနာည်ကူန်ရဝ်မာဂါင် စီပဲန်ဆိင်ဒဲႈကဲ ကဘ္လာင်းဆာင်လာင်ဟာဝ်း တောပ်လံပ်ဘ္လီုက်လှူပ်တြားဉပဒေ ကနာည်နှာင်းဘိူန်းလံပ်ဖြေင်ကဒိူဝ်ႈနီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
