လိုည်းထိုည်း၊ ကျံရ်နိုႎဲမ်ဘာ ဆငည်း 21၊ အိုမ်ယ်ုရ်
ဘိူန်းအယ်နံပ်တောပ်ဘည်က္လာင်း ကောန်အီမာည်း ကဝ်အီဂေါည်ခေဲင်အရာပ်ဒီန်အူအီး က္လာင်းဒါႈ ပရဝ်ကုင်ကမာည်း လှံင်အိုမ်ယ်ုရ် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း TNLA ကဲနီန် ဂေါႇမိုႈကားကဲ အီယိူဝ်ႇရာည်းမျံမ် ႎီရ်ဒေဲႈနီန် ဇောႈလေႈတရအာင်း စီပဲန်တိုအီး 1အီးယံမ်းဖါ်ႈ ဘာတ် 3ဟာဝ်းအီးအောႏ။
ကားအူကြောင် အ်ုန်အီယိူဝ်ႇရာည်းမျံမ် ပပါင်ဇူႈပ္လေခ္လုင် ရဝ်ကုင်ကမာည်းကဲ ႎီရ်ဒေဲႈနီန် ဇောႈလေႈ တရအာင်း ခည်ကျံရ်နိုႎဲမ်ဘာ ဆငည်း 17 ခိင်ညှာ ကပံတ် 7နြီဒိူန်အောႏ။
ကောန်အီမာည်း ကဝ်အီဂေါည်ပရဝ်ကုင်ကမာည်းနီန်အူအီး က္လာင်းဒါႈ “အောထာင်နံင်မိုႈ အ်ုန်ညှံမ်ကျံင်နံမ်ကောႈကား။ ခံင်မိုႈခိင်ညှာဇေဝ်း မိုႈအခိင်ဇောႈအိုမ်ရငါန်း စီပဲန်ဒေင်က္လျံတ်ဖါ်ႈ စီဇောႈလေႈဘာည်းဒီန်ယာ့်”
ခေဲင်ကဲ4အီး အီတောပ်ခေဲင်ကားဒီန် ဂေါႇမိုႈကောန်အီပ်ုန် ကဝ်အီဇီုဝ် လိုည်းအီဒဲ့နီန် ငျားဒေလကိင် စီပဲန်အ်ုန်ယံမ်းဟာဝ်းဖါ်ႈ ကီုတ်ကဲ 3အီး အီမိုႈ မမိုး၊ လိုည်းအေးထေး၊ လိုည်းတီန်ဇာကဲနီန် စီဘိူန်းဟာဝ်းလာ် ဒီဆဲဝ်အောႏ။
ဘာည်းလိူည်ဒီန် ခည်ကျံရ်နိုႎဲမ်ဘာ ဆငည်း 15ဒိူန်မာ် ဂေါႇမိုႈကားကဲအီဒဝ်ႎဲႈဖေးနာန်း ယိူဝ်ႇကဒါႇမိုဂူႈ ဒါႈနံင်ဟိုက်ဟာဝ်းကဒါႇမူစယ်ကဲနီန် ကပ္လါႇဟာဝ်းပဂေါင်ဟိုက်ရဝ်လံင်လော်ည် လှံင်ကုင်ငှေါ စီပဲန်တောပ်ပည်ကောန်ကညောမ် 2အီး 3အီးဘိူန်းဟာဝ်းဒီဆဲဝ်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
