ပိုႈလဘား၊ ကျံရ်ဇူန် ဆငည်း 1၊ အေဲမ်ခြီရ်
တိုအီးခေဲင်အရာပ်အူအီး က္လာင်းတဆျှိုည်ဖီမျေဒါႈ ကောန်အီမာည်း ကဝ်အီဂေါည်ပလှံင်အေဲမ်ခြီရ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ဆီုက်တအာင်း – TNLA နီန်အူအီး ငျားဖါ်ႈညဲ့မဴင် ဘ်ုပ်ချှူမ်ဟာဝ်းဇိူင်အ်ုန် အူကဒါႇအောႏ။
ခည်ကျံရ်မေ ဆငည်း 29 ခိင်ညှာ 8နြီဒိူန် တာထူန်းလှာႇ ဘိူန်းအဆာက် 38ဆန်ုမ် အ်ုန်အီဂေါည်ပရဝ် ကော်င်ႎည်း လှံင်အေဲမ်ခြီရ်နီန် ငျားဒေညဲ့မဴင် ခိင်ဟာဝ်းထွံရ်အ်ုန် တတီရ်ႈအောႏ။
တိုအီးခေဲင်အရာပ်အူအီး က္လာင်းဒါႈ “အ်ုန်ဟာဝ်းတိုက်ကဆာ်ႈ ကဒါႇရဝ်စယ်လာန်းဒီးကော်။ ခိင်ဟာဝ်းဘိအ်ုန်တ ကတဝ်ကဆာ်ႈ အ်ုန်စီယိူဝ်းတီရ်ႈ မိုႈလိူည်ခိင်တီုက်တတီရ်ႈဒီန် အ်ုန်ငျားဒေညဲ့။ ဂေါႇမိုႈတိုအီးရဝ်ကဲဒီန် က္လာင်းႎီရ်တပီးအ်ုန် စီဘိူန်းနံပ်။ ကဇေန်နီး အ်ုန်ဆနံမ်းအ်ုန် ပယုင်ဆနံမ်ဒါင်း အေဲမ်ခြီရ်”
ဂေါႇမဴင်ဒီန်ပဒူႈ ဇိူင်တာထူန်းလှာႇ ကဒါႇတံမ်နီန် ဟည်ကတ်ုတ်ဇောႈဖါ်ႈ တတိုပိုင်းအ်ုန်မာ် မိုႈဒိုည်ႇဒီလပ္လေအောႏ။
ခည်ကျံရ်မေ ဆငည်း 15ဒိူန်မာ် ဇိုချီုင်ကောန်အီမာည်းအူအီး ဘိူန်းအဆာက် 40ဆန်ုမ် အ်ုန်အီဂေါည် ပရဝ်တုန်ခန်း လှံင်မူစယ်နီန် ဟာဝ်းဟျံင်မံက် ဂေါႇမိုႈအ်ုန်စီငျားဒေ ထီပ်မဴင်တီႇခေဲင်ကတာည်း စီပဲန်အ်ုန်ယံမ်းဟာဝ်းပွံတ် ဒီဒီန်အူစာ်န်းအောႏ။
တောပ်ဘည်စြာင်း ပ်ုန်ကစုအူန်း ဖုင်ယဲဆျှိုည်ဖီမျေ ယိူဝ်ႇကျံရ်ဇံန်နႎရီ ရောတ်ကျံရ်အေပ်ြုရ် ဂေါႇမဴင်တီႇခေဲင်ကတာည်းကာည်း ဂြိုခြီုင်လာက်နာက်ဆီုက် အီဇောႈအီကီုတ် ပလှံင်အိုမ်ယ်ုရ်၊ လှံင်မာဝ်းႎံင်း၊ လှံင်ဆဘော၊ လှံင်မိူင်မီတ် ဂဲကဲနီန် တောပ်ပည်ကောန်ဒဲႇ တိုအီးရဝ် ဟည်ယံမ်းဟာဝ်းဖါ်ႈ 15အီး အီဘာတ်ဂေါည် 29အီးအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
