လိုည်းဇူန်မိုး၊ နိုဝင်ဘာ 11 ဆငည်း၊ ပင်းတယ
ဘိူန်းအယ်နံပ်တ တိုအီးအရာပ်ကဲက္လာင်းဒါ; ဆီုက်ဆျှံမ် RCSS ကဲ ကံပ်ရောတ်ကဇေန်နီး ညှံမ်ပ္လေ;ဒေဲ;စိ ကောန်တဘိုက် ခေဲင်လှံင်ပင်းတယ ပကပီုန်ဆျှံမ်ကဒါ,က်ြုမ် ပ်ုန်တိုည်းဟာဝ်းကဲ ကောန်အီမာည်း 20 အီးဒိူန်အောႏ။
ကဝ်အီနံပ်ဘည်မို;ဘည်ဘာည်း ကောန်အီမာည်းအူအီး က္လာင်းတဖုင်ဆျှိုည်ဖီမျေဒါ; ခည်ကျံရ်အံက်တိုဘာ ဆငည်း 26 ဒိူန် ဆီုက်ဆျှံမ် RCSS ကဲ စွဲဒါ;မို;ကဲဒါခံင်မံဝ်း တိုည်းဟာဝ်းကောန်တဘိုက် အ်ုန်အီဘိူန်း အဆာက်ကပံတ် 20 ကာည်း 30 တိုအီးရဝ် မိုင်းအင်၊ ဆင်ကျုံး၊ အိုးကုန်း၊ ကျောက်ပလ္လင်၊ တောင်ပု၊ မြေနီကုန်းကဲ 24 အီး ကံပ်ရောတ်ကဇေန်နီး ညှံမ်ပ္လေ;ဝီရ်စိကဲအောႏ။
“ တိုအီးပ်ုန်တိုည်းဟာဝ်းကဲ မောကဲရောတ်မာ်အာဝ်နံပ်။ တောပ်ကဲမာ်အာဝ်ဘိူန်း။ RCSSကဲတော,ယိူဝ်းကဲ ခေဲင်ဆဴင်ဟောမ်ပေါမ်။ ကတူ;ဘိုးဒဲ;ကဲဟောမ်ပေါမ်။ ကဲဟောမ်ဟောည်,ပေါမ်မာ် အာဝ်ဘိူန်းနံပ်စိ ဒီမှောကဲတိုည်းဟာဝ်း။ ဂီုည်ဒါ;လိူည်တိုအီးဒါင်း ရကဗိုည်။ ခေဲင်ပ်ုနတိုည်းဟာဝ်းကဲ အူအီးဘိူန်းဒေဒဝ်။ မို;အ်ုန်ဘိူန်းလာ်ဒေလောတ်မာ်အာဝ်နံပ်။ ကဲဒါ; ကဲပဴင်ဘိုးဆနာတ် 10 ပိုင်း။ နံင်မို;လိူည်အ်ုန်ဟည်လောတ် အာဝ်ယိူဝ်းစိကဲဒါ; အ်ုန်ကတူ;ဖေးဘာတ်”
ကဲဒါ; RCSS ဘိဟာဝ်းဂါင် ကောန်အီမာည်း ကဝ်အီဒဝ်ဒီန် ခည်ကျံရ်အံက်တိုဘာ ဆငည်း 29 ဒိူန် ဘံန်ရောတ် ကျံရ်နိုဗဲမ်ဘာ ဆငည်း 1 ဒိူန် တံပ်ကညာအာဏာဆီုက်ဇေဝ်ကဲ ဗီရ်ဗိူဝ်;ဟာဝ်းဘိုး ဂါင်ပ်ုန်ဘိဟာဝ်း RCSS ကဲအောႏ။
ကောန်အီမာည်းနီန် ဆီုပ်က္လာင်းဒါ;ဘိုး ကံပ်ရောတ်ကဇေန်နီး ညှံမ်နံပ်စိ ဒီတိုည်းအူန်း တံပ်ဆီုက်ဆျှံမ် RCSS ကဲတ ကောန်အီမာည်းကဲဒီန်။
ဘိူန်းအယ်နံပ်တောပ်ဘည်က္လာင်း တိုအီးအရာပ်ကဲဒါ; ဂေါ,ပ်ုန်မှာန်းကဇောည်တံပ်ဗထူးနီန် တံပ်ဆီုက်ဆျှံမ် RCSS ကဲရေဲန်ဖါ်;ဂေတ်ကဲ ဒီလီပ်ခေဲင်ရဝ်မိုင်းအင် ပလှံင်ပင်းတယနီန်အောႏ။
ဘိူန်းနံပ်တောပ်ဘည်က္လာင်းတိုအီးအရာပ်ကဲဒါ; ခည်ကျံရ်အံက်တိုဘာ ဆငည်း 28 ခီညှာကပံတ် 10 နြီဒိူန်မာ် ကောန်အီမာည်း ကဝ်အီဇီုဝ် ကိုရဲဝင်းနိုင် ဘိူန်းအဆာက် 23 ဆန်ုမ် အ်ုန်အီယိူဝ်,ဒေဲ; ကဒါ,ရဝ်လှည်းတိုး ဒါ;နံင်ဟာဝ်းခေဲင်လှံင် ပင်းတယ ပရဝ်မိုင်အင်နီန်မာ် RCSSကဲ ပဴင်ယံမ်းဟာဝ်းအ်ုန် ပဂေတ်ရဝ်မိုင်အင်းဒီရဲ့ကဲဒါ; ဂေါ,မို; ယဲဂျဲတ်ကားအ်ုန်အာဝ်ဇံင်း။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
