မာည်းအဆျှဴင်၊ ကျံရ်မာချှ် ဆငည်း 19၊ လာဆေဝ်
ကဝ်အီဒဲႈဆဒါင် အ်ုန်အီကဒံပ်တောပ် MNDAA ကဲ က္လာင်းတဖုင်ဆျှိုည်ဖီမျေဒါႈ တံပ်ကိုကာင် MNDAA ကဲ ပ္လေႈလေႈဘိုး ကောန်ဆီုက်ပ်ုန်ဘိူန်းတိုည်းကဲ လံမ်တံပ်ကညာအာဏာဆီုက်ဇေဝ်ကဲ 100 အီး အမှိူဝ်ကျံရ်မာချှ် ဆငည်း 18 ခေဲင်ကီုင်းလာဆေဝ်နီန်အောႏ။
အ်ုန်က္လာင်းတဖုင်ဆျှိုည်ဖီမျေဒါႈ “မိူဝ်ႈအေ့။ အမှိူဝ်ဒိူန် ကဲပ္လေႈလေႈ 100 အီးလေႈ။ အာဝ်ဘိူန်းနံပ်ဆေချာစိ။ နံပ်လိူည်မိုႈတ 100လေႈ။ နံင်မိုႈကဲ ဂီုည်လည်ကမိုန်”။
ဇူႈဒါခည် ဆန်ုမ် 2025 ခေဲင်ကျံရ်အံက်တိုဘာ ရောတ်ဘံင်ကျံရ်မာချှ် ဆန်ုမ် 2026 နီန် တံပ်ကိုကာင်ကဲ ဟည်ပ္လေႈလေႈ ကောန်ဆီုက်တံပ်ကညာအာဏာဆီုက်ဇေဝ် ပ်ုန်ဘိူန်းတိုည်းကဲနီန် ဟည်မိုႈကပံတ် 1200 အီးအောႏ။
ခည်ဆန်ုမ် 2025 ခေဲင်ကျံရ်အံက်တိုဘာဒိူန် 46 အီး၊ ခေဲင်ကျံရ်နိုႎဲမ်ဘာဒိူန် 202 အီး၊ ခေဲင်ဆန်ုမ် 2026 ခေဲင်ကျံရ်ဇံန်နႎရီနီန် 86 အီး၊ ခေဲင်ကျံရ်ဇံန်နႎရီလိူည် 500 အီး၊ ခေဲင်ကျံရ်ေႎှဲပ်ဘျူရီ 200 အီး ကာည်း ခေဲင်ကျံရ်မာချှ်နီန် အမှိူဝ် ဆငည်း 18 ဒိူန် 100 အီး ကစုကပိုမ်ဂေါည် 1130 အီးလေႈအောႏ။
ခည်ကျံရ်မာချှ် ဆငည်း 14 ဒိူန် တံပ်ကိုကာင် MNDAA ကဲ လီပ်တီုက်ဟာဝ်းဖါ်ႈ ကီုင်းအေဲမ်ကိုက် အ်ုန်အီဂေါည် တေဲင်ဒေင်ဒါင်း ထိုးဟာဝ်းဖါ်ႈခေဲင်တံပ် TNLA ကဲကံပ်ရောတ် ဘံင် 105 မဲင်နီန် ခည်ကျံရ်မာချှ် ဆငည်း 16 ဒိူန် ဟည်ကတူႈကငျားတောပ်ဘိုး တံပ်ကညာအာဏာဆီုက်ဇေဝ်ကဲ ပလာဆေဝ် ခေဲင်ဟောတယ် ဆာင်အာရ်တိုနီန်အောႏ။
တံပ်ကိုကာင်ကဲ ခိင်တီုက်ဟာဝ်း၊ ဆီမ်းဟာဝ်းလာက်နာက် တိုည်းဟာဝ်းဘိုးကောန်ဆီုက် အ်ုန်အီမိုႈ ဘဝ်ကီုက်ဒါင်းကဲလံမ် TNLA နီန် အူကဒါႇမာ် ကဲပ္လေႈလေႈဘိုး ကောန်ဆီုက် တံပ်ကညာအာဏာဆီုက်ဇေဝ်ကဲအောႏ။
ကဝ်အီကပ္လါႇဆဒါင် – လိုည်ပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
