မာည်းရူပ၊ ကျံရ်အောဂ်ုတ် ဆငည်း 25
ဖုင်ယဲဆျှိုည်ဖီမျေ တခေါရ်နံပ် ကပုလှေအ်ုန်အီကတူည်ႇဒဲႈ ဒီဘိူန်းတံပ်ဆီုက်တအာင်းကဲတထိင်ခြဲ မာဝ်းႎင်း ကာည်း ဒီထိင်ခြဲတံပ်ကညာအာဏာဆီုက်ဇေဝ်ကဲ ပနောင်ခေဝ် လှေအီလေႈဇီုဝ်ဒါင်း ကပုဂုတ်ထိပ်နီန် ကပံတ်ဇောႈအောႏ။
ကဝ်အီနံပ်ဘည်မိုႈဘည်ဘာည်းအရာပ်အူအီး က္လာင်းတဖုင်ဆျှိုည်ဖီမျေဒါႈ “ မိုႈအေ့ ကပုဂုတ်တွင်း ကပံတ်ဇောႈ။ အာဝ်မိုႈစိ အ်ုန်လူလှဲဝ်ႏဟာဝ်းဒိုည်ႇ။ ကပုနီန်အ်ုန်လှဲဝ်ကဒါႇဂေါည် ဆကဆကဲ”။
လော်ဘီတံပ်ကညာအာဏာဆီုက်ဇေဝ်ကဲ ပျံတ်ဝါဒဒါႈ ကပုနီန်မိုႈ တံပ်ဆီုက်တအာင်း TNLA ကဲမိုႈအီပဒူႈမဴင် ပ်ုန်လှဲဝ်ႏဟာဝ်း ဂေါႇဘည်ဒီန် ဖုင်ယဲဆျှိုည်ဖီမျေညှံမ်ဘယ်စိဒါႈ ကရီးကတီးအောႏ။
ကဒါႇတံပ်ဆီုက်တအာင်းကဲစီ ညှံမ်မိူဝ်ႈစိ ဘည်ပ္လိူရ်ႈလေႈ ဂေါႇဘည်ကပံတ်ဇောႈ ကပုဒီန်အောႏ။
တံပ်ကညာအာဏာဆီုက်ဇေဝ်ကဲ ခ္လေါႈဒေဲႈဖါ်ႈ ကဒါႇဂုတ်တွင်းနီန်စီ ထိုးလီပ်ဒေဲႈ ကဒါႇဒေင်ဒီပ်ုန်ထိင်ခြဲ တံပ်ဆီုက်ဆျှံမ် SSPP ကဲခေဲင် ခေဲင်လှံင်မာဝ်းႎံင်း ရဝ်ထန်တပင်နီန်စီ ထိုးဟာဝ်းကဒါႇ ထိင်ခြဲတံပ်ဆီုက်တအာင်းကဲခေဲင်ကီုင်း မာဝ်းႎံင်းနီန်အောႏ။
ကဇေန်နီး ဆီုက်ငါးတံပ်ကညာအာဏာဆီုက်ဇေဝ်ကဲ ဟည်ဘယ်ဒေရောတ်ခေဲင်ရဝ်နောင်ပိန်နီန် ဂေါႇဘည်ဒီန် ဂါရ်တံပ်ဆီုက်တအာင်း TNLA ကဲ ဂီုည်ပဲန်ကရဲင်ပ္လေါည်ကတီုက်ကပဴင်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
