လိုည်းထိုည်း၊ ကျံရ်ဒီဆဲမ်ဘာ ဆငည်း 25၊ မိုဂူႈ
ဘိူန်းအယ်နံပ်တောပ်ပ်ုန်က္လာင်း တိုအီးခေဲင်အရာပ်မိုဂူႈကဲဒါႈ အီအွံရ်ဒီရေဲန်ဇီုင်းမာဝ်းဂူႈ ပကီုင်းမိုဂူႈ ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကတူႈအီးတိုည်းဟာဝ်းအောႏ။
ကိုကျော်စိုး ဘိူန်းအဆာက် 32ဆန်ုမ် အ်ုန်အီမိုႈအီအွံရ်ပဇီုင်းကာန်မာဝ်းဂူႈနီန် ကတူႈကဲတိုည်းဟာဝ်း ခိင်ဒေဲႈကဲပ်ကဲ တရူရ်ႈ ခည်ကျံရ်ဒီဆဲမ်ဘာ ဆငည်း 20ဒိူန် ပကီုင်းမိုဂူႈနီန်အောႏ။
ကောန်အီမာည်း ကဝ်အီဂေါည်ခေဲင်ကီုင်းမိုဂူႈနီန်အူအီး က္လာင်းဒါႈ “ကဲတိုည်းဟာဝ်း ခိင်ဒေဲႈကဲပ်ကဲ တရူရ်ႈ။ ခံင်မိုႈအ်ုန်ရေဲန်ဇီုင်း အိုရ်ဆီုင်ခေတ်ကာပ် TNLA ကဲဒိူန်ဒီးကော်”
အ်ုန်ဆီုပ်ဒါႈဘိုး ကောန်အီမာည်း ကဝ်အီကတူႈတိုည်းဒီန် မောကံပ်ရောတ် ကျံရ်ဒီဆဲမ်ဘာ ဆငည်း 24နီန် အ်ုန်ညှံမ်ဘိူန်းဒေလေႈဒေဲႈအောႏ။
ဘာည်းလိူည်ဒီန် ခည်ကျံရ်ဒီဆဲမ်ဘာ ဆငည်း 1ဒိူန်မာ် တိုအီးရဝ်ပိန်းပြစ် ခြိူဝ်းမျိုးလီဆူကဲ ကတူႈဖါ်ႈတိုည်း ပဂေက် 5မဲင်ႏ ဒီလီပ်ခေဲင်ကီုင်းမိုဂူႈနီန် 3အီး ဘံန်ရောတ်ကျံရ်ဒီဆဲမ်ဘာ ဆငည်း 19ဒိူန် ကဲစီဘိူန်းဒေလေႈဒေဲႈအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
