ကျံရ်ဇူန်လည် ဆငည်း 15၊ ကုင်ငှေါ
ဘိူန်းအယ်နံပ်တောပ်ဘည်က္လာင်း ကဲအီဒဲႈဆဒါင်းကဲ ဒါႈ တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပအရာပ်ထိင်ခြဲ တံပ်ဆီုက်တအာင်းPSLF/TNLA ကဲ ပလှံင်မာဝ်းႎံင်း ခေဲင်ကီုင်းကုင်ငှေါနီန်အောႏ။
အဒိူဝ် ကျံရ်ဇူန်လည် ဆငည်း 15 ဘံန်ဆံန် ကပံတ် 1 နြီဒိူန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ရီမ်းပြောကုင်ငှေါအောႏ။
တိုအီးအရာပ်ကဲ အူအီးက္လာင်းဒါႈ “ကဲပျောႈဟာဝ်း နှာရိူဝ်ႇမာဝ်းႎံင်း – ကုင်ငှေါ ရီမ်းကပုမန်ပင့်။ ကဲပျောႈဟာဝ်း အာရ်ပိုင်း။ ညှံမ်နံပ်စိ ဘည်လလူလှဲဝ်ႏအ်ုန်”
ဘံန်ဟောည်ႇထိင်ခြဲဟာဝ်း တံပ်ဆီုက်တအာင်းကဲတ ကီုင်းကုင်ငှေါနီန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ခည်ကျံရ်မေ ဆငည်း 12 ဒိူန် (1)လိူဝ်ႈ၊ ခည်ကျံရ်မေ ဆငည်း 5 ဒိူန် 1 လိူဝ်ႈအောႏ။
ဇူႈဒါကျံရ်ဒိုည်ႇဇူန် ရောတ် ကျံရ်ဇူန်လည် နှားအာရ်နီန် တံပ်ကညာအာဏာဆီုက်ဇေဝ်ကံ ပျောႈဟာဝ်းဘျုင် ဒါယာန်ပ်ုန် ပအရာပ်ထိင်ခြဲ တံပ်ဆီုက်တအာင်းကဲ 15 လိူဝ်ႈ ဒီဘြေ့အ်ုန် 17 အီးယံမ်းဟာဝ်းဖါ်ႈ 48 အီး ကတူႈဖေးဘာတ်ဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
