ယာရူစိင်၊ ကျံရ်ဇူန်လည် ဆငည်း 20၊ ဆဘော
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ တံပ်ကညာအာဏာဆီုက်ဇေဝ် ဒါယာန်ပ်ုရ် ဒေဲႈပျောႈဘိုး ပ္လေဘျုင် ပကီုင်းဆဘော အ်ုန်အီမိုႈ ဒီပ်ုန်ထိင်ခြဲအူန်း PSLF/TNLA ကဲနီန်အောႏ။
ခည်ကျံရ်ဇူန်လည် ဆငည်း 19 ခိင်မှိူဝ် ကပံတ် 12နြီဒိူန် တံပ်ကညာအာဏာဆီုက်ဇေဝ် ဒါယာန်ပ်ုရ်ဂျက် ဒေဲႈပျောႈပ္လေဘျုင် ပကျောင်ချှံန်မူလ စနဲ (1) ကာည်း ဒီဂေါည်အီရံပ်ဇီုင်းကပ္လိူင် တီုင်ဌာနအွံရ်ဇီုင်းကဘေဲမ်နီန် 3ပိုင်းအောႏ။
“ကဲဒေဲႈပျောႈပကဘေဲမ်နီန် 1ပိုင်း။ ဟောည်ႇဒီန် ကဲႎီရ်ကပံတ်ဒေဲႈဘိုး။ ကဲညှံမ်ပျောႈစိ။ ဘံန်ဟောည်ႇကပါ်ႇကဲ လိူဝ်ႈအိုည် ကဲစီပျောႈလေႈဘိုး တေဲင်ကျောင် အမက 1နီန် 1ပိုင်း။ 1ပိုင်း စီဇောႈခေဲင်ဇံင်ဇာတ်စု ရီမ်းပါင်ကနိုက် ဆာ်မိုႈလှေဒီန် ညှံမ်ပဒူႈစိ။ က်ုန်မိုႈဘည်တိူဝ်လတိုအီးဂဲကဲနီန် အာဝ်မိူဝ်ႈစိ”
ခည်ကျံရ်ဇူန်လည် ဆငည်း 14ဒိူန်မာ် ဂေါႇမိုႈတံပ်ကညာအာဏာဆီုက်ဇေဝ် ဒါယာန်ပ်ုရ်ဂျက် ဒေဲႈပျောႈပ္လေဘျုင် ပကီုင်းဆဘော တေဲင်ဒေင်ဟာဝ်း လာဆေဝ်ကာည်း မာန်းတလေး ရီမ်းဆဴင်ႎှုင် Hispaw ကာည်း ရီမ်းဆဴင်ချှဲန်ရွှေလုံးနီန် 2ပိုင်း တိုအီးခေဲင်အရာပ်ကဲ ဟည်ယံမ်းဟာဝ်း 2အီး ဘာတ်ကဆဝ်း 2အီးအောႏ။
ဆဲႈဒါႇဒီန် ခည်ကျံရ်ဇူန်လည် ဆငည်း 4ဒိူန်မာ် ဂေါႇမိုႈတံပ်ကညာအာဏာဆီုက်ဇေဝ် ဒါယာန်ပ်ုရ်ဂျက် ဒေဲႈပျောႈပ္လေဘျုင် ပေါင် 250 တေဲင်ကီုင်းဆဘောနီန် 2ပိုင်း ဒီဂေါည် 5ပိုင်းကာည်း ဂါင်ဂေါည် 8ကြောင်အာဝ်ယောမ်အောႏ။
တောပ်ဘည်စြာင်းပ်ုန်ကစုအူန်း ဖုင်ယဲဆျှိုည်ဖီမျေ ခေဲင်ဘြည်အာရ်နှားနီန် ဂေါႇတံပ်ကညာအာဏာဆီုက်ဇေဝ် ဒါယာန်ပ်ုရ် ဒေဲႈပျောႈပ္လေဘျုင် ပနော်င်ခေဝ်၊ မာဝ်းႎံင်း၊ မိုဂူႈကာည်း ကီုင်းဆဘောနီန် တိုအီးခေဲင်အရာပ် ဟည်ယံမ်းဟာဝ်း 17အီးကာည်း ဘာတ် 48အီး အာဝ်ယောမ်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
