ယာရူစိင်၊ ကျံရ်ဇူန် ဆငည်း 14၊ အေဲမ်ခြီရ်
တိုအီးအရာပ်ကဲအူအီး က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုက်တအာင်းကဲတထိင်ခြဲ ကပီုန်ဆျှံမ် ကဒါႇပိူည် လှံင်အေဲမ်ခြီရ် ပရဝ်ဟိုနား ကောန်အီမာည်းကဝ်အီအာဝ်နိုက်အူအီး မဲႈဟာဝ်းကောန်ဒဲႇအူအီး ကံပ်ပဲန်ယံမ်းဟာဝ်းအောႏ။
ခည်ကျံရ်ဇူန် ဆငည်း 10 ဘံန်ဆံန်ဒိူန် ကောန်ဒဲႇအူအီးအ်ုန်ဂီုည်ကနိုက်ရီမ်းပြောဂါင်နီန် ခိင်ဒီန် ကဝ်အီအာဝ်နိုက်ကောန်အီမာည်းနီန်အူအီး ဒေဲႈမဲႈဟာဝ်းအ်ုန် ကံပ်ပဲန်ယံမ်းအောႏ။
“ အ်ုန်မိုႈတိုအီး အီအာဝ်နိုက်အူအီး။ အ်ုန်မဲႈကောန်ဒဲႇဒီန် ဒါဟေဒီႈ။ ဂေါ,ဘည်ဒီန် ကိင်ကောန်ဒဲႇဒီန်မာ် ဟည်တဲႈဖါ်ႈ နှာမ်းအ်ုန်ဟည်လေႈဂီုန်းဇာဝ်းယိုး။ ခိင်ဟာဝ်းတိုန်းကဲတအ်ုန် ပယုင်ဆနံမ် တောပ်ဒေင်နီန် အ်ုန်ယံမ်းဟာဝ်း”
ကဝ်အီကတူႈမဲႈဒီန် အ်ုန်ဇီုဝ် မောင်ထက်အောင်ရှိုင်း ဘိူန်းအဆာက် 5 ဆန်ုမ် ကောန်အီမာည်း ကဝ်အီအာဝ်နိုက် အီမဲႈဟာဝ်း ကောန်ဒဲႇဒီန် အ်ုန်ဇီုဝ် ဦးဆိုင်မောဝ်အောႏ။
ဘိူန်းအယ်နံပ်တောပ်ဘည်က္လာင်း တိုအီးအရာပ်ကဲဒါႈ ဖုင်ပလိက်တံပ်ဆီုက်တအာင်းကဲမာ် ဟည်တိုည်းဟာဝ်း ကဝ်အီလူည်ႇအမှုဒီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
