လိုည်းထိုည်း၊ ကျံရ်အံက်တိုဘာ ဆငည်း 19၊ အိုမ်ယ်ုရ်
တိုအီးခေဲင်အရာပ်ကဲ က္လာင်းဒါ; တံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲ;ပျော;ဟာဝ်းပ္လေ ပကီုင်းအိုမ်ယ်ုရ် ရီမ်းလူမ်ဇီုင်းပျံတ်ငံရ် အ်ုန်အီမို;ဒီပ်ုန်ထိင်ခြဲအူန်း တံပ်ဆီုက်တအာင်း – PSLF/TNLA ကဲအော်။
အဒိူဝ် အံက်တိုဘာ ဆငည်း 19 ခိင်ဆံန်ကပံတ် 1နြီဒိူန် ဂေါ,မို;တံပ်ကညာအာဏာဆီုက်ဇေဝ် ဒါယာန်ပ်ုရ် ဂျက်ဖိုက်တာ ပျေားဟာဝ်းပ္လေ ပေါင် 250 နီန်အူပိုင်း စီပဲန်လဟာဝ်းဂါင်ဂေါည်ကာည်း တိုအီးအော်။
ကောန်အီမာည်းအူအီး က္လာင်းဒါ; “အ်ုန်ကဒံတ်တောပ် လူမ်ဇီုင်းပျံတ်ငံရ်ကာည်း ကျောင်အထက။ ဂါင်ဟည်လူဟာဝ်း 2ကြောင်။ ဆာ်မို;တိုအီး လလိူည်စရီတ်။ ဆာ်မို;ကဇေန်နီး ကဲညှံမ်ဒဲ;စိ အီးလီပ်တိူရ်;”
ဘံင်အခိင်ကိက်တဆဒါင်နီး ညှံမ်ဘိူန်းစိနံပ် ထာန်တိူဝ်လနီန် စဲင်စဲင်ဟြဟြအော်။
ဆဲ;ဒါ,ဒီန် ပမိူင်းမီတ်၊ ရူကောကာည်း ကုင်ငှေါ ကဲအီမို;ဒီပ်ုန်ထိင်ခြဲအူန်း တံပ်ဆီုက်တအာင်းနီန်မာ် ကဲပျော;ဟာဝ်းဖါ်;အူစာ်န်း ဆာ်မို;ထာန်လူလေဲဝ်ဟာဝ်းကဲနီန် ညှံမ်နံပ်စိအော်။
အမှိူဝ်ကျံရ်အံက်တာဘာ ဆငည်း 18ဒိူန်မာ် ဂေါ,မို;ကဲပျော;ဟာဝ်းပ္လေ ပရဝ်ကွံန်ဟာည် လှံင်အိုမ်ယ်ုရ် စီပဲန်တိုအီးရဝ်ကဲ ယံမ်းဖါ်; 6အီး ဘာတ် 7အီးအော်။
တောပ်ဘည်စြာင်းပ်ုန်ကစုအူန်း ဖုင်ယဲဆျှိုဖီမျေ ခေဲင်ကျံရ်အံက်တိုဘာနီန် ဂေါ,တံပ်ကညာအာဏာဆီုက်ဇေဝ်ကဲ ပျော;ပ္လေဘျုင် တိုအီးဟည်ယံမ်းဖါ်; 42အီး ဘာတ် 40အီးအော်။
ကဝ်အီကပ္လါ,ဘေဲ,ဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
