ယာရူစိင်၊ ကျံရ်ဇူန်လည် ဆငည်း 10၊ မိုဂူႈ
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ ဒါယာန်ပ်ုရ် ဒေဲႈပျောႈဘိုးပ္လေဘျုင် ပကီုင်းမိုဂူႈ ကဒါႇလေႈဆာင်ငည်း အ်ုန်အီမိုႈဒီပ်ုန်ထိင်ခြဲအူန်း PSLF/TNLA ကဲနီန် ကောန်ဒဲႇဟည်ယံမ်းဟာဝ်း 2အီးအောႏ။
ဘိူန်းအယ်နံပ် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဂျက် ဒေဲႈပျောႈဘိုးပ္လေဘျုင် ပကီုင်းမိုဂူႈ ကဒါႇလေႈဆာင်ငည်း ကဒါႇပန်းမထိပ် ခည်ကျံရ်ဇူန်လည် ဆငည်း 9 ခိင်မှိူဝ် 8နြီဒိူန် ကောန်ဒဲႇဟည်ယံမ်းဟာဝ်း ဒီဘြေ့အ်ုန် 2အီးအောႏ။
“ခေဲင်ကဲအီယံမ်းဟာဝ်းဒီန် ကောန်ဒဲႇမာ်တောပ်။ ထာန်ဘိူန်းနံပ် ဘံင်ကဇေန်နီး တိုအီးဘာတ်ဂေါည် ဒီဘြေ့အ်ုန် 6အီး။ ဂါင်ဂေါည်မံင်ခ္လမာ် လူလေဲဝ်ဟာဝ်း”
ဂေါႇပ္လေဘျုင်ပ်ုန်ဒေဲႈပျောႈကဲဒီန် ဂေါႇမိုႈအ်ုန်ဆမာ လှိူဝ်းဒေဲႈဘိုး စီပဲန်ဖုင်ယဲဆျှိုည်ဖီမျေ ဆီုင်ဒါ့်တခေါရ်အူန်းဘိုး ထာန်ယံမ်းဟာဝ်းတိုအီးကာည်း ထာန်လူလေဲဝ်ဟာဝ်းကဲဂဲနီန်အောႏ။
ခည်ကျံရ်ဇူန်လည် ဆငည်း 8ဒိူန်မာ် ဂေါႇမိုႈတံပ်ကညာအာဏာဆီုက်ဇေဝ်ကဲ ဒေဲႈပျောႈပ္လေ ပကီုင်းမိုဂူႈ ကာည်း ကီုင်းမာဝ်းႎံင်း စီပဲန် တိုအီးခေဲင်အရာပ်ကဲ ဟည်ယံမ်းဟာဝ်း 4အီး ဘာတ် 9အီးအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
