မာည်းရူပ၊ ကျံရ်ဆဲပ်တဲမ်ဘာ ဆငည်း 11၊ သပိတ်ကျင်း
ကဝ်အီနံပ်ဘည်ခူရ်က္လာည်းအရာပ်နီန် က္လာင်းတဖုင်ဆျှိုည်ဖီမျေဒါႈ ဂေါႇဘည်ထိုးလီပ်ဒေဲႈ တံပ်ကညာအာဏာဆီုက်ဇေဝ်ကဲ ခေဲင်လှံင်သပိတ်ကျင်း တောပ်ပည် ရဝ်ဇရပ်ကွင်း တိုအီးအရာပ် ရဝ် 5 ရဝ်ကဲ 5 ဟြဲင်လေႈကတူႈဒိုည်ဒဝ်အောႏ။
ဇူႈဒါခည်ကျံရ်ဆဲပ်တဲမ်ဘာ ဆငည်း 6 ဒိူန် တံပ်ကညာအာဏာဆီုက်ဇေဝ် ကနာည်နံင်ဘယ်ဒေထိင်ခြဲ ဒေင်မိုဂူႈ – မန္တလေးနီန် ကဲထိုးလီပ်ဒေဲႈ ကဒါႇလှံင်သပိတ်ကျင်း ရဝ်ဇရပ်ကွင်းနီန်အောႏ။
ဂေါႇဘည်ထိုးလီပ်ဒေဲႈ တံပ်ကညာအာဏာဆီုက်ဇေဝ်ကဲ ခေဲင်ကဲအီကတူႈဒဝ်နီန်မိုႈ တိုအီးအရာပ်ကဲ 5 ဟြဲင် ရဝ်ရွှေမွှေးချောင်၊ 4 မဲင်၊ 6 မဲင်၊ ဇရပ်ကွင်း ကာည်း ရဝ်ရေပူလယ်ကဲ ကတူႈဒိုည်ႇဒဝ်အောႏ။
ကဝ်အီနံပ်ဘည်ခူရ်က္လာည်းနီန်အူအီး က္လာင်းတဖုင်ဆျှိုည်ဖီမျေဒါႈ “ ပ္လေါည်ကတီုက်ကပဴင်နီန် အ်ုန်ပဲန်ကဒါႇရွှေမွှေးချောင်။ တိုအီးအရာပ်ကဲ ဟည်ဒဝ်ဒိုည်ႇ။ တံပ်ကညာအာဏာဆီုက်ဇေဝ်ကဲမာ် ဂီုည်ဒါပ္လေလာက်နာက်ဒါင်းဟာဝ်ဝစ်ဇာ ပဴင်ဟာဝ်းကဒါႇဇရပ်ကွင်းနီန်”။
ကဝ်အီဂေါည်ခေဲင်ပ္လေါည်ကတီုက်ကပဴင် ဖုင်တံပ်လံပ်တီုက်ဝှီုန်းကဲအူအီး က္လာင်းဒါႈ ကဇေန်နီး ပရဝ်ရွှေမွှေးချောင်း အ်ုန်အီဂေါည်ရီမ်းပြောရဝ် ဇရပ်ကွင်းနီန် တံပ်ကညာအာဏာဆီုက်ဇေဝ်ကဲ ကာည်း လံပ်တီုက်ႎှီုန်းကြ ဂီုည်ဒါပဲန် ပ္လေါည်ကတီုက်ကပဴင်အောႏ။
ရဝ်ဇရပ်ကွင်းနီန် အ်ုန်မိုႈရဝ်အီဂေါည်တောပ်ဒေင် မိုဂူႈ – မန္တလေးနီန် ဆဲႈဒီန်မိုႈဘိုး ရဝ်အီမိူဝ်ႈ အရေးကနာည်လံပ်ဆီုက်နီန် မိုႈဘိုး ရဝ်အီလေႈခြီရ်အောႏ။
ဆဲႈဒီန် မိုႈဘိုး ဒိီထိင်ခြဲ တံပ်လံပ်တီုက်ႎှီုန်းကဲအောႏ။
ခေဲင်လှံင်သပိတ်ကျင်းနီန် တံပ်ကဲအီဟာဝ်းႎီရ်မိုႈ တံပ်ဆီုက်တအာင်း -TNLA ၊ မိုးကုတ်ဗျူဟာ၊ Try ဗျူဟာ၊ မန္တလေး PDF ကာည်း တံပ်ခြူမ်အဆိုယ – NUG ကဲအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
