ဆျှိုည်ဖီမျေ၊ ကျံရ်အောဂ်ုတ် ဆငည်း 31
ကူန်ရ၀်မာဂါင်တအာင်းကဲ ဆဲႈဒါႇ ဆနံမ်ဆပူည် ကဲတံင်းဂိုည်း တိုန်းဟာ၀်းဟောမ်ဟာပ် ကနာည်ကောန်ဆီုက်ကောန်နာန်း ကဲအီလီပ်ပ္လေါည် ကတီုက်ကပဴင် ပအရာပ်နော်င်ပေင် လှံင်မာ၀်းႎံင်း အ်ုန်အီမိုႈ ဒီထိုးလီပ် တံပ်ကညာအာဏာ ဆီုက်ဇေ၀်ကဲနီန်အောႏ။
ဘိူန်းအယ်နံပ် ခေဲင်ပ်ုန်တိုန်းကဲဒီန် ဆဲႈဒါႇ ဆနံမ်ဆပူည် ကဲတိုန်းဟာ၀်းဘိုး ပေါမ်တ၀်အီဘိူန်းဟောမ်ပွံတ်အူစာ်န်းနီန်အောႏ။
“ဆာ်မိုႈခေဲင်ပ်ုန်တိုန်းဒီန် အ်ုန်တောပ် ORS၊ ဆနံမ်ဆတူရ်ကာည်း ဆနံမ်ပ်ုန်လို ကနာည်ကနဲတ်ကမှည်ကဲနီန်ယာ့်။ ဆဲႈဒီန် တောပ်ဘိုး တ၀်ခြိုခေါႈ၊ ဆာ်မိုႈဆလိက် ယဲထုက်ဖါ်ႈ Package စီတိုန်းဟာ၀်းဒီးကော်”
အ်ုန်ဆီုပ်ဒါႈဘိုး နံင်ဆီုပ်တိုန်းဟာ၀်းဘိုး ဆနံမ်ကာည်း ဟောမ်ဟာပ် ကနာည်ကောန်ဆီုက်ကောန်နာန်း ကဲအီလီပ်ပ္လေါည် ကတီုက်ကပဴင်ရအာည်ႇကဲနီန်အောႏ။
ဇူႈပံတ်ကျံရ်အောဂ်ုတ် ဆငည်း 19 ဒိူန် တံပ်ကညာအာဏာဆီုက်ဇေ၀် ကဲအီဒါရဲင်ဘ္လောမ်ပေန်ပယာႈကဲနီန် ကဲယိူ၀်ႇကဒါႇနော်င်ခေ၀် ခ္လေါႈဖါ်ႈဂုတ်ထိပ် ယိူ၀်ကဒါႇရ၀်ထန်းတပင် ရီမ်းရ၀်နော်င်ပေင် အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်ဆျှံမ် SSPP ကဲနီန် ထိုးလီပ်ကဒါႇရဝ်နော်င်ပေင်နီန်အောႏ။
က၀်အီကပ္လါႇဘေဲႇဆဒါင် Lway N Tra
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
