ဆျှိုည်ဖီမျေ၊ ကျံရ်အံက်တိုဘာ ဆငည်း 27
The Kokang ကဲ ရိူရ်ႈလေႈပ္လါႇဘေဲႇ ဘည်က္လာင်းအူန်း တားတီုင်အွံရ်ဆီုက် MNDAA တာမ်ခူန်ချုဒါင်း Mr.Peng De Ren ဒါႈ လံပ်ဇံင်းဒါ့် ပ်ုန်ဘိူန်းအူန်းတောပ် တံပ်ကညာအာဏာဆီုက်ဇေဝ်ကဲနီန် ညှံမ်မိုႈစိ လံပ်ယေန်ငံင်အခည်းနီန် ခည်ကျံရ်အံက်တိုဘာ ဆငည်း 26ဒိူန်အောႏ။
တားတီုင်အွံရ်ဆီုက် MNDAA တာမ်ခူန်ချုဒါင်း Mr.Peng De Ren က္လာင်းပပ္လေါည်ပ္လိူတ် ႎါင်ပနော ကေဒါများအလှည့်ကျ လိူဝ်ႈ (1) ပ်ုန်ရေဲန်ဟာဝ်း MNDAA ကဲ ခည်ကျံရ်အံက်တိုဘာ ဆငည်း 25ဒိူန် ဘည်နီန်အောႏ။
ကဲပ္လိူရ်အူန်း ဘည်က္လာင်းအူန်းအ်ုန်ဒါႈ “ပ်ုန်ဆဖော လံပ်ဇံင်းဒါ့်ကတီုက်ကပဴင် အရေးဆီုက် ကဇေန်နီးနီန် အ်ုန်မိုႈလိူည် ချှံန်ပ်ုန်ဘိူန်းအူလှေ အယ်လိုနံပ်ဒိုႇဒိုည်ႇ မိုႈတအ်ုန်ညှံမ်မိုႈ လံပ်ယေန်ငံင်ခည်းခည်း”
အ်ုန်က္လာင်းဟာဝ်း ရဒေင်နံင်ဘိူန်း လံပ်ယေန်ငံင်ခည်းခည်းနီန် အ်ုန်ဆီုင်ကဒိုင်းဖါ်ႈ ကောန်ဆီုက်ကဲ နံင်လိုပႎဲႈပ်ုန်တဂေန်းကဲနီန် လိုပ္လူႈဆဒိင်ဒါင်းဒါင်းကာည်း လိုထိင်အူန်း ဘည်လှံန်မဟာပျူဟာကဲနီန် ကတီးကရီး။
ဆဲႈဒါႇဒီန် ပ်ုန်ဘိူန်းအူန်းအယ် ကဇေန်နီးနီန် အ်ုန်မိုႈဂေါႇဆီုက်ကဲအီလှူဟာဝ်း တိုပိုင်းယံင်နှာမ်အဆာက် ကံပ်အာဝ်ဘယ်ဒီရ်ႈကဲဒိူန် ကဲပ္လိူရ်ႈအူန်းဘိုး ကနာည်နှာင်းတားတီုင်စေတ်မေန်းကဲ ကအာ်မ်းအူန်း အစဲန်၊ ကနာည်နှာင်းအူန်း ပ်ုန်ဘိူန်းအယ်ကဲနီန် မိူဝ်ႈငေါႈခံန်၊ ကနာည်နံင်ရေဲန်ဟာဝ်း နှာင်းအရာပ်ဘိူန်းအယ်ကဲနီန် ကတာရ်ႈဒါင်းဇာရ်၊ ကနာည်နံင်ခ္လါည်း နှာင်းအ်ုန်ဇံင်းမံင်ကဲဂဲနီန်အောႏ။
ဘံန်ဟောည်ႇလျှံင်ပနော ႎါင်ပနောကေဒါအလှည့်ကျ MNDAA ဆန်ုမ် 2025 လိူဝ်ႈ (1) နီန် ဘြည် 66ဆငည်း ကဲစီရေဲန်ဟာဝ်း ပ္လေါည်ပ္လိုတ်ႎါင်ပနောကဲအောႏ။
MNDAA ကဲ ဘ်ုပ်ဇံင်းဒါ့်ဖါ်ႈ လံပ်ကတီုက်ကပဴင် တောပ်တံပ်ကညာအာဏာဆီုက်ဇေဝ်ကဲ တောပ်ပ်ုန်တက်ုတ် ခယ် ကီုင်းလာဆေဝ်မာ် ကဲဟည်ဘ်ုပ် အာပ်ႎီရ်ဘိုး တတည်း တံပ်ကညာအာဏာဆီုက်ဇေဝ်ကဲအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
