မာည်းရူပ၊ ကျံရ်မေ ဆငည်း 24၊ မိူင်ယဲ
ကူန်ရဝ်မာဂါင် မိူင်ယဲကဲအူအီး က္လာင်းတဖုင်ယဲဆျှိုည်ဖီမျေဒါႈ ကပီုန်ဆျှံမ်ကဒါႇပိူည် ပကီုင်းမိူင်ယဲနီန် ကားပ်ုန်ဘဒေဲႈ တံပ်ဆီုက်ဆျှံမ် SSPP ကဲ ခိင်ဟံပ်တ အိုမ်ပျြံင်ထာက်နီန် ပဲန်ဟာဝ်းအမှုပဒူႈ တိုအီးပေန်ခ္လကတူႈဖေးဘာတ်ဟာဝ်းအောႏ။
ကဲဒါႈ ခည်ကျံရ်မေ ဆငည်း 22 ခီညှာ ကပံတ် 8 နြီဒိူန် ကားပ်ုန်ဘဒေဲႈ တံပ် SSPP ကဲ ခိင်ဟံပ်ကဲတ အိုမ်ပျြံင်ထာက် ဒီလေႈဒါႇကီုင်းမိူင်ယဲ ပဆဲင်အိုမ်ပျြံင်ထာက်နီန် ပဲန်ဟာဝ်းအမှုပဒူႈ တောပ်ပည်ကောန်ဆီုက် SSPP ကဲ အီရေဲန်ဇီုင်းကာန်ခေဲင်ဆဲင်အိုမ်ပျြံင်ထာက်ဒီန် ပေန်ခ္လမာ် မာ် ကတူႈဖေႈဘာတ်ဟာဝ်းအောႏ။
ကူန်ရဝ်မာဂါင် မိူင်ယဲကဲအူအီး က္လာင်း တဖုင်ယဲဆျှိုည်ဖီမျေဒါႈ “ ကဲအီးကတူႈဖေးဘာတ်ကဲဒိူန် ယဲယိူဝ်းအေ့ကဲ ပယုင်ဆနံမ်ဒါင်းမိူင်ယဲ။ အ်ုန်ပဲန်ဟာဝ်းပဒူႈနီန် ပဆဲင်အိုမ်ပျြံင်ထာက်။ ခိင်ဟံပ်ကဲတအိုမ်ပျြံင်ထာက်နီန် ပဲန်ဟာဝ်းပဒူႈဒီန်။ အီလမာ် မိုႈလိူည်ဆီုက်ဆျှံမ်ကဲ။ အူအီး ဘ္လံဝ်အ်ုန်ကတ်ုတ်ဟာဝ်းပွံတ်”။
ခေဲင်အမှုပဒူႈဒီန် ကူန်ရဝ်မာဂါင်ကဲ ဘိူည်ဒါႈ မိုႈပ္လေဘောမ် ဆီုက်ဆျှံမ် SSPP ကဲဇောႈဖါ်ႈ စီပဲန်ပဒူႈဟာဝ်းမာ် ဖုင်ယဲဆျှိုည်ဖီမျေ ညှံမ်ဘယ်စိဒေဒါႈ ကရီးကတီးအောႏ။
ဂေါႇပ္လေဘောမ်ပဒူႈဒီန် ဘိူည်အာဝ်နံပ် ကဲအီကတူႈဖေးဘာတ် ကရီးကတီးမာ် ဖုင်ဆဒါင်ခေဲင်အရာပ်ကဲ ပ္လိူရ်ႈလေႈကိက်ဒါႈ ကဲအီကတူႈဖေးနီန် ဂေါည် 6 အီးအောႏ။
ခေဲင်ကီုင်းမိူင်ယဲနီန် ဆဲႈဒါႇ တံပ်ဆီုက်ကညာအာဏာဆီုက်ဇေဝ်ကဲ တံပ်ဆီုက် SSPP ကဲမာ် ဟာဝ်းႎီရ်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
