ပိုႈလဘား၊ ကျံရ်ဆဲပ်တဲမ်ဘာ ဆငည်း 16၊ မိုဂူႈ
တိုအီးအရာပ်ကဲ က္လာင်းဒါႈ ဒီဘိူန်းတံပ်ဆီုက်တအာင်း PSLF/ TNLA ကဲတထိင်ခြဲ ပမိုဂူႈကဒါႇလေႈဆာင်ငည်းနီန် တံပ်ကညာအာဏာဆီုက်ဇေဝ်ကဲ ဟည်ပျောႈဘိုးဘျုင် ကောန်အီပ်ုန်အူအီး ကတူႈဖေးဘာတ်ဟာဝ်းအောႏ။
အဒိူဝ် ကျံရ်ဆဲပ်တဲမ်ဘာ ဆငည်း 16 ခီညှာ ကပံတ် 7 နြီဒိူန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပမိုဂူႈ ကဒါႇလေႈဆာင်ငည်း ပကျောင်စဝ်လင်းရောင်ခြည်နီန်အောႏ။
တိုအီးအရာပ်ဒီန် ကောန်အီမာည်းအူအီး က္လာင်းဒါႈ “ ကဲဒေဲႈပျောႈဟာဝ်း ပေါင် 250 နီန်အာရ်ပိုင်း။ ပကျောင်စဝ် လင်းရောင်ခြည်နီန် အ်ုန်လဟာဝ်းကောန်အီပ်ုန်အူအီး”။
ဂေါႇဘည်ပျောႈဟာဝ်းကဲတ ဘျုင်ဒီန် လဟာဝ်း ကောန်အီပ်ုန် အ်ုန်အီဘိူန်း အဆာက် 40 လေႈနီန်အူအီး လလူလှဲဝ်ႏဘိုးဂါင် 5 ကြောင်အောႏ။
ခည်ကျံရ် အောဂ်ုတ် ဆငည်း 25 ဒိူန်မာ် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပမိုဂူႈကဒါႇလေႈဆာင်ငည်း ခေဲင်ဇံင်စည်ပင်သာယာနီန် လဟာဝ်းကောန်အီမာည်းအူအီးအောႏ။
ခေဲင်ကျံရ်အောဂ်ုတ်ဒိူန်အူကျံရ်နီန် ဂေါႇပ္လေလာက်နာက်ဒါင်း ကာည်း ယာန်ပ်ုရ်ကဲ ပအရာပ်ထိင်ခြဲ တံပ်ဆီုက်တအာင်းကံ တောပ်ပည် ကောန်ကညောမ် 5 အီး တိုအီးအရာပ်ကဲ 57 အီး ယံမ်းဟာဝ်းဖါ်ႈ 66 အီး ကတူႈဖေးဘာတ်ဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
