ပိုႈလဘား၊ ကျံရ်မေ ဆငည်း 15၊ ညောင်ရွှေ
ကဝ်အီရည်း လံပ်အခွါင်းအရေးတိုအီး ခေဲင်အရာပ်အင်းလေးနီန်အူအီး က္လာင်းဒါႈ ဂေါႇလာက်နာက်ဒါင်း ပ်ုန်ပဴင်တံပ်ကညာအာဏာဆီုက်ဇေဝ်ကဲ ပလှံင်ညောင်ရွှေ၊ ကပီုန်ဆျှံမ်ကဒါႇပိူည်နီန် ဟည်တိူဝ်လူလေဲဝ်ဟာဝ်း ဂါင်ဂေါည်ကာည်း ကျောင်စဝ်အောႏ။
ကဲဒါႈ ခည်ကျံရ်မေ ဆငည်း 12ဒိူန် ပ္လေလာက်နာက်ဒါင်း ဟည်ဇောႈပဒူႈတေဲင်ကျောင် အ်ုန်အီဂေါည် ပရဝ်တောင်ပို့ကွဲနီန် အူပိုင်းအောႏ။
ကဝ်အီရည်း လံပ်အခွါင်းအရေးတိုအီး ခေဲင်အရာပ်အင်းလေးနီန်အူအီး က္လာင်းဒါႈ “အာဝ်မိူဝ်ႈမ ဘည်တိူဝ်လတိုအီး။ အ်ုန်ဇောႈပကျောင်စဝ် အူပိုင်း။ ဇောႈနှာရိူဝ်ႇရဝ် အူပိုင်း”
ဆဲႈဒါႇဒီန် ပရဝ်ဟိုပန် လှံင်ညောင်ရွှေမာ် ဂေါႇလာက်နာက်ဒါင်းပ်ုန်ပဴင် တံပ်ကညာအာဏာဆီုက်ဇေဝ်ကဲ ဟည်တိူဝ်လူလေဲဝ်ဟာဝ်း ဂါင်ဂေါည်ကဲအောႏ။
ခည်ကျံရ်မေ ဆငည်း 8ဒိူန်မာ် တံပ်ကညာအာဏာဆီုက်ဇေဝ်ကဲ ထိုးလီပ်ဖါ်ႈ ပရဝ်စန့်စွဲ လှံင်ညောင်ရွှေ၊ ဆီုက်ရဝ်ပအိုဝ်း – PNO ကဲအီဂေါည်ရခြူမ် တံပ်ကညာအာဏာဆီုက်ဇေဝ်ကဲနီန် ဟည်လီပ်တိုက် ပ်ုန်လူလေဲဝ်ဟာဝ်းဒိုည်ႇ ဂါင်ဂေါည်တိုအီးရဝ်ကဲ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
