ပိုႈလဘား၊ ဒီဆဲမ်ဘာ ဆငည်း 15၊ 105 မဲင်
ကောန်အီမာည်း ကဝ်အီနံပ် ဘည်မိုႈဘည်ဘာည်းနီန်အူအီးက္လာင်းဒါႈ ဒီဘိူန်းဘဝ်ကီုက်ဒါင်း 3 ဖုင်ကဲတထိင်ခြဲ ပလှံင်မူစယ် ခေဲင်ကီုင်း 105 မဲင်နီန် ကားတာင်မာဝ်းဗျုင်နီန်အူကြောင် ဘရိက်အ်ုန်ပဲန်ဖါ်ႈပဒူႈ စီလီပ်ဒူႈဟာဝ်းတိုအီးကဲ ဂေါႇဘည်ဒီန် 2 အီးယံမ်းဖါ်ႈ 8 အီးကတူႈဖေးဘာတ်ဟာဝ်းအောႏ။
အမှိူဝ် ကျံရ်ဒီဆဲမ်ဘာ ဆငည်း 14 ဘံန်ဆံန်ကပံတ် 2 နြီလေႈအိုည်ကိူရ်မနေတ်ဒိူန် ဒီနံင်လီပ်ခေဲင်ကီုင်း 105 မဲင် ရီမ်းပြောဂေတ်ဒီစေတ်မေန်းတိုအီးနီန် ကားတာင်ဗျုင်မာဝ်းနီန် ဘရိက်အ်ုန်ပဒူႈဖါ်ႈ လီပ်ဒူႈဟာဝ်းတိုအီးကဲအောႏ။
“ကားတာင်ဗျုင် ကား 6 က္လေင်နီန် ဘရိက်အ်ုန်ပဒူႈဖါ်ႈ စီလီပ်ဒူႈဟာဝ်း တိုအီးအီဂေါည်ရီမ်းပြောဒီန်။ အ်ုန်မိုႈဒီလီပ်လေႈ ပဂေတ် 105 မဲင် ဒီဒီန်အ်ုန်မိူဝ်ႈတိုအီး။ ဆာ်ရောတ်ပဂေတ်ဒီန် တိုအီးလေႈဒေင်ကဲ ကတူႈဟာဝ်းဒါဇိူင်။ ခိင်ဒီန်ကားဘရိက်အ်ုန်စီပဒူႈ လီပ်ဒူႈဟာဝ်းလာ်တိုအီးလေႈရဒေင်ကဲ တောပ်ပည်တိုအီးအီဂေါည်ရီမ်းပြောဒီန်။ ကဇေန်နီး တောပ်ပည်ကညာကား ကညာအီကောႈကားဒီန်မာ် ကဲဟည်တောႇအူန်း”
ကောန်အီမာည်းနီန် ဆီုပ်က္လာင်းဒါႈဘိုး ဒီပေဲန်ဟာဝ်းတ အမှုဒီန် ဖုင်ကဇောည်အ်ုန်အီဂေါည်ပ 105 မဲင် ဖုင်ပါရမီကဲမိုႈအီဟာဝ်းကဇောည်ဒဲႈ ဒီပဲန်ဟာဝ်းအ်ုန်ဒီန် ကောန်အီပ်ုန်ဂါရ်အီဂေါည် ပမူစယ် 2 အီးယံမ်းဟာဝ်းအောႏ။
ကဲဒါႈကဇေန်နီး ကဝ်အီမိူဝ်ႈဇီုင်းကပ္လိူင်ခေဲင်ဌာနအီကဆီုဝ်ကဆဲင်ကဲ တိုည်းအူန်းဖါ်ႈ ကညာကားဒီန်ဒါႈ နံင်တိူဝ်ႈဟာဝ်းတောပ်ပည် ဥပဒေအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
