ရွှေဖီမြေ၊ နိုဝင်ဘာ ၁၇ ရက်၊ မိုးကုတ်
သတင်းဓာတ်ပုံ
လာမယ့်အပတ်တွေအတွင်း တအာင်းတပ်-PSLF/TNLA တပ် ဆုတ်ခွါသွားရမယ့် မိုးကုတ်မြို့ရဲ့ မနေ့ နိုဝင်ဘာ ၁၆ ရက်မှာ တွေ့မြင်ရတဲ့ မြင်ကွင်းတွေဖြစ်ပါတယ်။
မိုးကုတ်မြို့မှာရှိတဲ့ တအာင်းတပ်မတော်- PSLF/TNLA ရဲ့ ဌာနဆိုင်ရာတချို့ ပြောင်းရွှေ့နေတာ တွေ့ရပြီး အုပ်ချုပ်ရေးအဖွဲ့နဲ့ ရဲဌာနကတော့ ပုံမှန်လည်ပတ်
နေတာ တွေ့ရပါတယ်။
မိုးကုတ်မြို့ဂေါက်ကွင်းမှာတော့ မြို့ခံတွေကို တအာင်းတပ်က ၎င်းတို့မဆုတ်ခွာခင် ကျောက်တူးဖော်ခွင့်ပေးထားပြီး မြို့ခံတချို့ အလုအယက်ကျောက်တူးဖော်နေကြပါတယ်။
မြို့တွင်းမှာတော့ မြို့ခံတွေနေ့စဥ်လိုလို မြို့ကိုစွန့်ခွာနေကြတာ တွေ့ရပြီး မြို့ရဲ့ထက်ဝက်ကျော်က မြို့ခံတွေ ထွက်ပြေးတိမ်းရှောင်နေကြပြီလို့ သိရပါတယ်။
မိုးကုတ်မြို့ကနေ တအာင်းတပ်ဘက်က လာမယ့်နိုဝင်ဘာ ၂၅ ရက်နောက်ဆုံးထားပြီး တပ်ဆုတ်ပေးရမယ်လို့ သတင်းတွေထွက်နေပြီး စစ်ကောင်စီဝင်လာမယ့်ရက်အတိအကျကိုတော့ မသိရသေးပါဘူး။
ဒါ့အပြင် မိုးကုတ်မြို့တွင်းဝင်လာမယ့် စစ်ကောင်စီတပ်တွေကို TNLA ဘက်က လုံခြုံရေးပေးမယ်လို့လည်း သတင်းတွေထွက်ပေါ်နေပြီး ရွှေဖီမြေက သီးခြားအတည်ပြုနိုင်တာ မရှိသေးပါဘူး။
တရုတ်နိုင်ငံကြားဝင်မှုကြောင့် စစ်ကောင်စီနဲ့ တအာင်းတပ်တို့အောက်တိုဘာ ၂၉ ရက်ကစပြီး အပစ်ရပ်ဖို့သဘောတူပြီးနောက် TNLA က ၎င်းတို့ထိန်းချုပ်ထားတဲ့ မိုးကုတ်နဲ့ မိုးမိတ်မြို့နယ်ကနေ ဆုတ်ခွါသွားရမှာ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
