သတင်းဓာတ်ပုံ
မိုင်းအနိုင်၊ ဇန်နဝါရီ ၂၃ ရက်၊ ထီးလင်း
စစ်ကောင်စီတပ်က စာသင်ကျောင်းတွေကို ပစ်မှတ်ထားပြီး လေကြောင်းကနေ ဗုံးကြဲနေတဲ့အတွက် အောက်ပြည်မြေပြန့်က ကျေးရွာရှိ စာသင်ကျောင်းအများစုဟာ ကတုတ်ကျင်းနဲ့ ပူးတွဲပြီး စာသင်နေကြရပါတယ်။
စာသင်ကျောင်းကို စာသင်ဆောင်နေရာအဖြစ် မထားကြတော့ဘဲ အများစုဟာ ကျေးရွာအတွင်းနဲ့ တောတွေထဲ တဲထိုးပြီး ခက်ခက်ခဲခဲ စာသင်နေကြရပါတယ်။
ပုံပါ စာသင်ကျောင်းဟာ မကွေးတိုင်း ထီးလင်းမြို့နယ်ထဲက ကျေးရွာတစ်ရွာရဲ့ စာသင်ကျောင်းဖြစ်ပြီး အဲဒီကျောင်းဟာ အထက်တန်းကျောင်း ဖြစ်ပါတယ်။
စာသင်ကျောင်းဆောင်ကို မူလတန်း၊ အလယ်တန်း၊ အထက်တန်းဆိုပြီး ကျေးရွာတွေထဲမှာ နေရာ ၃ ခု ခွဲပြီးတော့ စာသင်နေကြပါတယ်။
လေကြောင်းအန္တရာယ်ကနေ ဘေးကင်းလုံခြုံဖို့ကိုလည်း စာသင်ကျောင်း ပတ်ပတ်လည်မှာ ကတုတ်ကျင်း တူးထားကြရပါတယ်။
လေယာဉ်လာရင် ကတုတ်ကျင်းထဲ လျင်မြန်စွာ ပြေးဝင်နိုင်ကြဖို့လည်း ကျောင်းသူ ကျောင်းသားတွေကို မကြာခဏ သရုပ်ပြထားပြီးဖြစ်တယ်လို့ ဆရာမတွေက ပြောပါတယ်။
လေယာဉ်လာရင် အချက်ပေးတဲ့ ခေါင်းလောင်းကိုလည်း လုပ်ဆောင်ထားကြပါတယ်။
