ရွှေဖီမြေ၊ ဇွန် ၁၉
အာဏာသိမ်းစစ်ကောင်စီရဲ့ မတရားဖမ်းစီးခြင်းကို ခံထားရတဲ့ ဒေါ်အောင်ဆန်းစုကြည် အမြန်ဆုံးလွတ်မြောက်ဖို့ တအာင်းအမျိုးသားလွတ်မြောက်ရေးတပ်မတော်-PSLF/TNLAရဲ့ အထွေထွေအတွင်းရေးမှူး ဗိုလ်ချုပ်တာဘုန်းကျော်က ဆုတောင်းပေးတဲ့ ရုပ်သံဖိုင်ကို သူ့ရဲ့ လူမှုကွန်ရက်မှာ ဝေမျှထားပါတယ်။
ဒီနေ့ ဇွန်လ ၁၉ရက်နေ့မှာ ကျရောက်တဲ့ ဒေါ်အောင်စုကြည်ရဲ့ အသက်(၈၀)ပြည့် မွေးနေ့အတွက် ဆုတောင်းပေးထားတာ ဖြစ်ပါတယ်။
“Happy Birthday ဒေါ်အောင်ဆန်းစုကြည်။ အမြန်ဆုံးလွတ်မြောက်ပါစေ။ မြန်မာပြည်ကို အမြန်ဆုံး ဦးဆောင်နိုင်ပါစေ”ဆိုပြီး ဆုတောင်းထားတာ ဖြစ်ပါတယ်။
ဒေါ်အောင်ဆန်းစုကြည်ကို အာဏာသိမ်းယူထားတဲ့ စစ်ကောင်စီတပ်က အမှုပေါင်း ၁၉မှုနဲ့ စွဲချက်တင်ခဲ့ပြီး ထောင်ဒဏ်စုစုပေါင်း နှစ် ၃၀ကျော် ချမှတ်ထားပါတယ်။
အကျည်းကျခံထားရတဲ့ ဒေါ်အောင်ဆန်းစုကြည်အတွက် ကမ္ဘာတဝှမ်းက မွေးနေ့ဆုတောင်းပေးတဲ့ ဗီဒီယိုဖိုင်လည်း ၈၀၀၀၀ကျော်သွားခဲ့ပြီ ဖြစ်ပါတယ်။
ပြီးခဲ့တဲ့ မတ်လ ၂၈ရက်နေ့မှာ လှုပ်ခတ်ခဲ့တဲ့ ငလျင်ဒဏ်ကြောင့် ဒေါ်အောင်ဆန်းစုကြည်ဟာ ဘယ်ဘက်လက် ဒဏ်ရာရရှိခဲ့လို့ စိုးရိမ်ကြောင်း Suh Foundation က သတင်းထုတ်ပြန်ထားပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
