မိုင်းပန်ပျော်၊ ဇွန်လ ၅ ရက်
တအာင်းတပ်မတော်-PSLF/TNLA ထိန်းချုပ်ထားတဲ့ မြို့တွေမှာ လူဝင်မှုကြီးကြပ်ရေးရုံး-လဝကဌာနက ထိန်းချုပ်နယ်မြေအတွင်းမှာရှိတဲ့ ဒေသခံတွေကို မှတ်ပုံတင်နဲ့ အိမ်ထောင်စုစာရင်းတွေကို စတင်လုပ်ဆောင်ပေးနေပါတယ်။
တအာင်းတပ်မတော်-PSLF/TNLA ထိန်းချုပ်ထားတဲ့ နမ့်ဆန်၊ မန်တုံ၊ နမ္မတူမြို့နယ်တွေမှာ ဇွန်လ ၁ ရက်ကစပြီး မှတ်ပုံတင်နဲ့ အိမ်ထောင်စုစာရင်းတွေကို လုပ်ပေးနေတယ်လို့ PSLF/TNLA ရဲ့ လဝကအရာရှိတစ်ဦးက ရွှေဖီမြေကိုပြောပါတယ်။
မှတ်ပုံတင်နဲ့ အိမ်ထောင်စုစာရင်းလုပ်လိုသူတွေအနေနဲ့ တအာင်းဒေသအတွင်း အနည်းဆုံး ၇ နှစ်နေထိုင်တဲ့သူဖြစ်ရမှာဖြစ်ပြီး အသက် ၁၆ နှစ်အထက်ရှိရမှာဖြစ်တယ်လို့ ဆိုပါတယ်။
တအာင်းဒေသအတွင်းမှာရှိတဲ့ ဒေသခံတွေရဲ့ အခွင့်အရေးကို ကာကွယ်မြှင့်တင်နိုင်ဖို့ ဒေသအတွင်း လူအဝင်ထွက်တွေကို စနစ်တကျကြပ်မတ်ထိန်းသိမ်းနိုင်ဖို့နဲ့ ဒေသအတွင်း ပြည်သူ့အင်အားစာရင်းမှန်တွေကို ပြုစုထိန်းသိမ်းထားနိုင်ဖို့အတွက် ရည်ရွယ်ထားပြီး မှတ်ပုံတင်နဲ့ အိမ်ထောင်စုစာရင်းတွေ ပြုလုပ်ပေးရခြင်းဖြစ်တယ်လို့ ဆိုပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
