စစ်ကိုင်း သလွန်ဖြူရွာမှာ စစ်တပ်က လက်နက်ကြီးနဲ့ ရမ်းသမ်းပစ်ခတ်မှုကြောင့် ဒေသခံ အမျိုးသမီး ၁ ဦး သေဆုံးပြီး ၁ ဦး ဒဏ်ရာရ

‎ခိုင်‌လေး၊ ဇွန်လ ၂၀ ရက်၊ စစ်ကိုင်း

‎စစ်ကိုင်းတိုင်း စစ်ကိုင်းမြို့နယ်အနောက်ဘက်ခြမ်း သလွန်ဖြူရွာမှာ စစ်ကောင်စီတပ်ရဲ့ လက်နက်ကြီး ရမ်းသမ်း ပစ်ခတ်မှုကြောင့် ဒေသခံအမျိုးသမီး ၁ ဦး သေဆုံးပြီး ၁ ဦး ဒဏ်ရာ ရခဲ့ပါတယ်။

‎ပြီးခဲ့တဲ့ ဇွန်လ ၁၆ ရက် နေ့လယ် ၂ နာရီခွဲဝန်းကျင်မှာ သလွန်ဖြူရွာထဲ တပ်စွဲထားတဲ့ စခန်းက‌နေ ၆၀ မမနဲ့ စက်လက်နက်‌ ရမ်းသမ်းပစ်ခတ်ခဲ့တာဖြစ်တယ်လို့ ပြည်သူ့ဘက်တော်သားမှ ဝာာဝန်ရှိသူတစ်ဦးက ရွှေဖီမြေကို ပြောပါတယ်။

‎”အသက် ၄၀ ပြည်သူ အမျိုးသမီးတစ်ဦး ပွဲချင်းပြီး သေဆုံး တစ်ဦး ဒဏ်ရာရ။ ရမ်းပစ်တော့ မှန်သွားတာလို့ သိရတယ်။ အထိုင်ချတာက အဲဒီသလွန်ဖြူရွာမှာ ကြာပြီဗျ။ အခုဟာက ရွာထဲကိုဘဲ ရမ်းသမ်းပစ်တာ။ ပြည်သူတွေတော့ စစ်ရှောင်နေရတယ်ဗျ”

သေဆုံးသွားသူ အမျိုးသမီးဟာ အသက် ၄၀ ဝန်းကျင်ရှိပြီဖြစ်ပြီး ဒဏ်ရာရတဲ့ အမျိုးသမီးကလည်း အသက် ၄၀ ဝန်းကျင်အရွယ် အမျိုးသမီး ဖြစ်တယ်လို့ ဆိုပါတယ်။

‎အလားတူ ပြီးခဲ့တဲ့ ဇွန်လ ၁၆ ရက် နေ့လယ် ၁ နာရီခွဲကလည်း မြိုင်မြို့နယ် ဇီးတောရွာ ဘုန်းကြီးကျောင်းမှာ စစ်ရှောင်နေတဲ့ ဒေသခံတွေကို ဦးတည်ပြီး ဂျက်ဖိုင်တာနဲ့ ပေါင် ၂၅၀ ဗုံးသီးနှစ်လုံး ကြဲချတိုက်ခိုက်ခဲ့တာ‌ကြောင့် စစ်ရှောင်အမျိုးသမီး ၁ ဦး သေဆုံးပြီး ၇ ဦး ဒဏ်ရာ ရခဲ့ပါတယ်။

ဇွန်လ ၁၅ ရက်ကလည်း မြိုင်မြို့နယ် သာစည်နဲ့ သန်းနုတောရွာကို စစ်တပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် သန်းနုတောရွာက ဒေသခံ ၆ ဦး ဒဏ်ရာ ရခဲ့တာအပြင် အိမ်မွေးတိရိစ္ဆာန်တွေလည်း ထိမှန်သေဆုံးခဲ့ပါတယ်။

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram