ရွှေဖီမြေ၊ ဇွန်လ ၈ ရက်၊ နမ့်ဖတ်ကာ
တအာင်းတပ်မတော် ထိန်းချုပ်ထားတဲ့ နမ့်ခမ်းမြို့ကနေ ကချင်တပ်မတော် ထိန်းချုပ်ထားတဲ့ နမ့်ဖတ်ကာသို့ ဆက်သွယ်ထားတဲ့လမ်းကို ပြုပြင်ဖို့ ၁၂ ပေအထက်ရှည်တဲ့ ကားကြီး သွားလာခွင့် ယာယီ ပိတ်ထားမယ်လို့ တအာင်းတပ်ဘက်က ထုတ်ပြန်ထားပါတယ်။
လာမယ့် ဇွန်လ ၁၀ ရက်ကနေ ဇူလိုင် ၁၀ ရက်အထိ တစ်လကြာ ကားကြီး သွားလာခွင့် ပိတ်ထားမှာဖြစ်ပြီး ကွန်ကရစ်လမ်း ဝ/၅ မိုင် ခင်းမှာဖြစ်ကြောင်း ထုတ်ပြန်ချက်ထဲ ဖော်ပြထားပါတယ်။
တအာင်းတပ်မတော်- PSLF/TNLA ရဲ့ လမ်းတံတားဌာနက ဆောင်ရွက်မှာဖြစ်ပြီး လုပ်ငန်းဆောင်ရွက်ချိန်မှာ ယာဉ်ပိတ်ဆို့မှု မဖြစ်စေဖို့ ယာယီ ပိတ်တာလို့ ဆိုပါတယ်။
၁ဝ၂၇ စစ်ဆင်ရေးနောက်ပိုင်း ကား၊ ဆိုင်ကယ်နဲ့ ခရီးသွားသူ အများစုဟာ နမ့်ဖတ်ကာ-နမ့်ခမ်း လမ်းပိုင်းကိုသာ ပိုမို အသုံးပြုလာတာကြောင့် လမ်းပိုင်း ဆိုးဆိုးရွားရွား ပျက်စီးနေပြီး ယာဉ်ကြော ပိတ်ဆို့မှုနဲ့ တိမ်းမှောက်မှု မကြာခဏ ဖြစ်ပွားနေတဲ့လမ်းပိုင်းလည်း ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
