ဆျှိုည်ဖီမျေ၊ ကျံရ်နိုႎဲမ်ဘာ ဆငည်း 14
ဖုင်ယဲဆျှိုည်ဖီမျေ တခေါရ်နံပ် မိုႈတ ကဲဒံန်ခြဲဖါ်ႈ ကနာည်နှာင်းကောန်ဆီုက်တအာင်း PSLF/TNLA ကဲ အာဝ်ကတော်ကလောင်တေဲင်အောန်လဴင်နီန် ဆာ်ကတော်မာ် ကဲပ္လအူန်းခေါပ်ပြာႇ ခနားတံပ်ကဲ ဘည်ဆမာကတူႈဇောႈကဘေဲမ် ဒီဘြေ့အ်ုန် 3ကျံရ်နီန်အောႏ။
ဘည်ကနိုက်ကဲတ ဂေမ်းတေဲင်အောန်လဴင်နီန် ဂေါႇမိုႈအ်ုန်ဆမာပဲန်ဒေဲႈ ဘည်ဟောည်ႇလှာဇီုင်း၊ ဘည်ကလဲန်အခိင်၊ ဘည်လူလှဲဝ်ႏဟာဝ်း အကျာင်နောႈဖိူမ်၊ ပျဆနာခေဲင်ရမာကဲဂဲနီန် စီပဲန်ကဲ ဒံန်ခြဲ ဘိအူန်းဇီုင်းလှေနီန်အောႏ။
ဂေါႇဘည်ဒီန် ကဲဒါႈ ကဲဟည်ကဆာင်းအူန်း ပ္လါႇဘေဲႇ ပ်ုန်ရိူရ်ႈလေႈကဲဒီန် ခနားတံပ်ကဲ ဆာ်ယိူဝ်းဆော့ဝဲ စလော့ ပါင်ကတော်ကလောင်တေဲင်အောန်လဴင်နီန် ခေဲင်ႎှုင်ကဲအီရံပ်လာည်း ဇီုင်းကပ္လိူင်ခေဲင်တံပ် TNLA ကဲနီန်မာ်လ ဆာ်ယိူဝ်းကဲကတော်ဂေမ်းဒီန်မာ်လ နံင်ကတူႈခါမ်တာမ်ရိူန်း တောပ်ဘည်ဆံင်ကိုပ် ဉပဒေဆီုက် (62) ကာည်း ဆာ်ဒါဂြိုခြီုင်မိူဝ်ႈငေါႈခံန်ကဲနီန် ကတော်ကလောင် နံင်ကတူႈခါမ်တာမ် ကဘေဲမ် ဒီဘြေ့အ်ုန် (3) ကျံရ်အောႏ။
ခေဲင်အရာပ်တအာင်းနီန် တောပ်ပည်ဖုင်ဘားလာက်နာက် ခေဲင်အရာပ်နီန် တိုအီးရဝ်ကဲ ကဒါႇဂီုန်းမာ် ကဲဂီုည်ကနိုက်ဖါ်ႈ ဂေမ်းကတော်ကလောင်တေဲင်အောန်လဴင်နီန် ဂေါႇကတော်ကလောင်ရိူန်းနှာင်ဒီန် ဖုင်ယဲဆျှိုည်ဖီမျေ ဂီုည်တခေါရ်ယိူဝ်း မိုႈတ ဘည်ဂေါည်ဂေါည်မိူဝ်ႈ ပျဆနာခေဲင်ရမာကာည်း ခေဲင်ဇီုင်းကာန်ကဲဂဲနီန်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
