မိုင်းရူပ၊ ဖေဖော်ဝါရီ ၉ ရက်၊ ဒီးမော့ဆို
ကရင်နီပြည် ဒီးမော့ဆိုအနောက်ခြမ်းမှာ ဆီဆိုင် မီးလောင်မှု ဖြစ်ပွားခဲ့ပြီး သိန်း ၂ ထောင်ဝန်းကျင် ဆုံးရှုံးမှု ရှိနိုင်တယ်လို့ ရွှေဖီမြေက စုံစမ်းသိရှိရပါတယ်။
မနေ့ ဖေဖော်ဝါရီ ၈ ရက် နေ့လယ် ၂ နာရီဝန်းကျင်မှာ ဒီးမော့ဆိုအနောက်ခြမ်းရှိ အညတရဆီဆိုင် မီးလောင်မှု ဖြစ်ပွားခဲ့ပြီး ဆီဆိုင်အနီးရှိ နေအိမ် ၂ လုံးလည်း မီးလောင်ပျက်စီးခဲ့တယ်လို့ မြေပြင်အခြေအနေ သိရှိသူတစ်ဦးက ရွှေဖီမြေကို ပြောပါတယ်။
“တောမီးကတဆင့် မီးပွား ကျမှုကြောင့် ကနဦး သိရှိရပါတယ်။ ရေသယ်ယူ ခက်ခဲတာရယ် ရေ ရနိုင်တဲ့နေရာ ဝေးလွန်းတာရယ်ကြောင့်ပါ။ ဓာတ်ဆီဆိုင် ဆီပေပါတွေ ဆိုင်နေအိမ် ၁ လုံး ဘေးကပ်ရပ်က စစ်ရှောင်နေအိမ် ၁ လုံး မီးလောင်ဆုံးရှုံးခဲ့ပါတယ်”
ရေရှားပါးမှုကြောင့် မီးကို ၁ နာရီကျော်ကြာ ငြိမ်းသတ်ခဲ့ရပြီး လူထိခိုက်သေဆုံးမှုတော့ မရှိဘဲ ခန့်မှန်းတန်ဖိုး သိန်း ၂ ထောင်ဝန်းကျင် ဆုံးရှုံးနိုင်တယ်လို့ သူက ဆက်ပြောပါတယ်။
ပြီးခဲ့တဲ့ ၂၀၂၄ ခုနှစ် ဒီဇင်ဘာလထဲလည်း နန်းမယ်ခုံမြို့က ဓာတ်ဆီဆိုင်တစ်ခု မီးလောင်မှု ဖြစ်ပွားခဲ့ပါတယ်။
ဒီကာလဟာ ပူးပြင်းတဲ့ရာသီ ရောက်လာပြီ ဖြစ်တာကြောင့် တောမီးတွေ မရှို့ကြဖို့ လူမှုကူညီရေးအဖွဲ့တွေက တိုက်တွန်းထားပါတယ်။
