ရွှေဖီမြေ၊ ဇန်နဝါရီ ၁၂ ရက်
တအာင်းတပ်မတော်- PSLF/TNLA က အကျဉ်းသား ၅၅ ဦးကို လွှတ်ငြိမ်းချမ်းသာခွင့် ပေးပြီး ၅၄ ဦးကိုတော့ ပြစ်ဒဏ် လျှော့ပေါ့ပေးခဲ့ကြောင်း PSLF/TNLA ရဲ့ သတင်းနဲ့ပြန်ကြားရေးဌာနက ထုတ်ပြန်လာပါတယ်။
ဒီနေ့မှာ ကျရောက်တဲ့ ၆၂ နှစ်ပြည့် တအာင်းအမျိုးသား တော်လှန်ရေးနေ့ကို ဂုဏ်ပြုတဲ့အနေနဲ့ ပလောင်ပြည်နယ် လွတ်မြောက်ရေးတပ်ဦး- PSLF/TNLA ရဲ့ဥက္ကဌ ဗိုလ်ချုပ်ကြီး တားအိုက်ဘုန်းက လက်မှတ်ထိုးပြီး လွှတ်ငြိမ်းခွင့် ပေးခဲ့တာပဲ ဖြစ်ပါတယ်။
ပြစ်ဒဏ် လျှော့ပေါ့ပေးသူတွေထဲ မူးယစ်ဆေးဝါး ရောင်းဝယ်သုံးစွဲမှု၊ အမျိုးသမီးတွေအပေါ် ကျူးလွန်မှု၊ အကြမ်းဖက်မှု၊ လူသတ်မှု၊ လူကုန်ကူးမှု၊ ဓားပြတိုက်မှုနဲ့ ပြန်ပေးဆွဲမှု ကျူးလွန်ထားကြသူဖြစ်တယ်လို့ ဆိုပါတယ်။
၂၀၂၄ ဇန်နဝါရီ ၁၂ ရက်မှာ ကျရောက်တဲ့ ၆၁ နှစ်ပြည့် တအာင်းအမျိုးသား တော်လှန်ရေးနေ့ကလည်း အကျဉ်းသား ၂၃၂ ဦးကို လွတ်ငြိမ်းချမ်းသာခွင့် ပေးပြီး ၆၀ ဦးကိုတော့ ပြစ်ဒဏ် လျှော့ပေါ့ပေးခဲ့ကြောင်း ဖော်ပြထားပါတယ်။
